[محمد جراح]

شاشه ديل سوداء موديل M991
العطل ان الشاشه كانها مش واصلها بور
فحصت ترانزستور البور و ترانزستور اللاين و دول سليمين تماما
مفيش اي حاجه على مخارج الشوبر
القياس على مكثف البور 327
القياس على Drain 327
على Source وال Gate صفر
ارجو المساعده

[محمد جراح]

يا اخوان انا اليوم فحصت كل المقاومات في مرحلة البور
و الزنرات و موحدات الجهد ( الديودات) كلها سليمه
فحصتها لاني توقعت قطع في مرحلة البور
غلى العموم الحاجه الغريبه في الشاشه ان بيدخل على المتكامله اللي في مرحلة البور 327 فولت و مش بتخرج حاجه و المتكامله رقمها tea1504ap
فهل لدى الاخوه الافاضل اي فكره عن المشكله

[mohamed_prog]

اقتباس المشاركة الأصلية كتبت بواسطة محمد جراح يا اخوان انا اليوم فحصت كل المقاومات في مرحلة البور و الزنرات و موحدات الجهد ( الديودات) كلها سليمه فحصتها لاني توقعت قطع في مرحلة البور غلى العموم الحاجه الغريبه في الشاشه ان بيدخل على المتكامله اللي في مرحلة البور 327 فولت و مش بتخرج حاجه و المتكامله رقمها tea1504ap فهل لدى الاخوه الافاضل اي فكره عن المشكله

بص ياباشمهندس حاتعمل الخطوات دى بالترتيب:

1-اتأكد من سلامة الفيوز.


2- قم بقياس الجهد على طرفى القنطرة. يجب ان يكون فى حدود 300 فولت ولا يقل عن 265 فولت.ان لم تجد القيم قم بفحص القنطرة وماقبلها خاصة الفاريستور او الثيرمستور.


3-قم بقياس الجهد على طرفى مكثف التنعيم الاساسى(اكبر مكثف بالشاشة) ويفضل استبدالة اذا ظهرت علية علامات تلف.


4-اذا وجدت كل ما سبق تمام قم بقياس الجهد على الـDrain الخاص بموسفت الباور ويجب ات يكون فى حدود 300 فولت ان لم تجده قم بتغيير الموسفت فورا.

5- قم بقياس الجهد على طرف 1 الخاص بالايسى TEA1504 المتصل بالـDrian الخاص بالبور موسفيت ويحب ان يكون فى حدود 300 فولت.

6- قم بقياس الجهد على طرف 4 الخاص بالايسى TEA1504 المتصل بالـGate الخاص بالباور موسفيت .

7- قم بقياس الجهد على طرف 6 الخاص بالايسى TEA1504 ويجب ان يكون فى حدود 11 فولت.ان لم تجده اذهب للخطوة التالية.

8-يوجد دايود ومكثف متصلين بطرف 7 الخاص بالايسى TEA1504 قم بفحصهما.

9-قم بفحص مقاومة متصلة بالـٍSource الخاص بموسفيت الباور قم بفحصها جيدا.

10- توجد مقاومة متصلة بطرف 8 الخاص بالايسى TEA1504 قم بقياسها جيدا وتقريبا قيمتها فى حدود 25 كيلو اوم ويجب ان لا تقل عن 16 كيلو اوم ولا تزيد عن 34 كيلو اوم.

قم بما سبق وان لم تصل الى حل العطل ننتقل الى المرحلة الثانية ان شاء الله.

والله الموفق والمستعان.

[هاني ابو حليمه]

اقتباس المشاركة الأصلية كتبت بواسطة محمد جراح يا اخوان انا اليوم فحصت كل المقاومات في مرحلة البور و الزنرات و موحدات الجهد ( الديودات) كلها سليمه فحصتها لاني توقعت قطع في مرحلة البور غلى العموم الحاجه الغريبه في الشاشه ان بيدخل على المتكامله اللي في مرحلة البور 327 فولت و مش بتخرج حاجه و المتكامله رقمها tea1504ap فهل لدى الاخوه الافاضل اي فكره عن المشكله

السلام عليكم ورحمه الله وبركاته
اخي الفاضل مهندس / محمد جراح
وبعد اذن مهندسنا الكبير احمد
قم بقياس القيمه الاوميه بين g و s ترانزستور الباور علي وضع قياس الدايود فان وجدت شورت بين الطرفين ... هذا يعني تلف الزينر الموجود علي طرف الـــــ g للترانزستور حيث يكون الزينر متصل ببوابه الترانزستور ومن طرف اما الطرف الاخر فيكون متصل بالارضي ....... وفي حاله وجود شورت بين طرفي الزينر ستجد وجود شورت بين بوابه ومنبع ترانزستور الباور ( الـــ g و s )
اما اذا كان الزينر سليم ولا يوجد شورت قم بتغيير المتكامله الــــtea1504ap
بعد تفريغ مكثف الالكو من شحنته اولا
وبعد تغيير المتكامله سوف تعمل الشاشه ان شاء الله
ملحوظه مهمه
وجود الــ300 فولت علي المتكامله امر طبيعي
ملحوظه اخري مهمه
بعد تغيير المتكامله واختفاء العطل لا تقوم برمي المتكامله القديمه فانك ستعجب بعد ان اخبرك انك اذا قمت بتركيبها لشاشه اخري نفس الموديل سوف تعمل الشاشه بكفاءه
نتابع معك واسال الله لك التوفيق

[mohamed_prog]

اقتباس المشاركة الأصلية كتبت بواسطة هاني ابو حليمه السلام عليكم ورحمه الله وبركاته اخي الفاضل مهندس / محمد جراح وبعد اذن مهندسنا الكبير احمد قم بقياس القيمه الاوميه بين g و s ترانزستور الباور علي وضع قياس الدايود فان وجدت شورت بين الطرفين ... هذا يعني تلف الزينر الموجود علي طرف الـــــ g للترانزستور حيث يكون الزينر متصل ببوابه الترانزستور ومن طرف اما الطرف الاخر فيكون متصل بالارضي ....... وفي حاله وجود شورت بين طرفي الزينر ستجد وجود شورت بين بوابه ومنبع ترانزستور الباور ( الـــ g و s ) اما اذا كان الزينر سليم ولا يوجد شورت قم بتغيير المتكامله الــــtea1504ap بعد تفريغ مكثف الالكو من شحنته اولا وبعد تغيير المتكامله سوف تعمل الشاشه ان شاء الله ملحوظه مهمه وجود الــ300 فولت علي المتكامله امر طبيعي ملحوظه اخري مهمه بعد تغيير المتكامله واختفاء العطل لا تقوم برمي المتكامله القديمه فانك ستعجب بعد ان اخبرك انك اذا قمت بتركيبها لشاشه اخري نفس الموديل سوف تعمل الشاشه بكفاءه نتابع معك واسال الله لك التوفيق

طبعا مافيش كلام يتقال بعد مشاركة الباشمهندس هانى بس اضافة بسيطة ممكن تلاقى عند فالباور فوتوكبلر طرفى EوC بتوعه متصلين بالبن 6و8و9 بتوع المتكاملة TEA1504 الفتو كابلر ده خاص بالاستاند باى الاتى من الميكروكونترولر دا فحالة التلفزيون او الـsleep اوpower saving فحالة شاشة الكمبيوتر، اى تلف فلفوتوكابلر بيؤدى الى عمل شورت بين البن 6و8و9 فى الايسى TEA1504 فعليك فحصة خارج الدائرة وتغييرة ان لزم. والله الموفق

[محمد جراح]

الاخوه الافاضل البشمهندس حامد و البشمهندس هاني
اشكركم على الردودو الوافيه
اما عن ملاجظات البشمهندس حامد
فانا عملت كل اللي قلت عليه قبل ما اكتب عن المشاركه على المنتدى باستثناء قيم الفولتيه اللي قلت عليها لازم تخرج من المتكامله و على العموم القيم كلها صفر
الاخ البشمهندس و استاذنا الكبير هاني ابو حليمه
الترانزستور شغال و الزنر فحصته قبل ما تقولي بالظريقه العاديه و بعد ما قلتلي عن قياس الاوم على الترانزستور
كله تمام
غيرت المتاكامله
محصلش حاجه
الجهد على مكثف البور اكتر من 300
على D الموسفت نفس القياس
على مدخل المتكامله نفس القياس
مكثف البور بيشحن
مفيش اي فولتيه على المتكامله غير اللي جايه من D الموسفت
ارجو المتابعه معايا لان الحكايه بقت عند بالشاشه دي مش علشان الفلوس اللي هتيجي من وراها
ارجو اني الاقيك تفاعل منكم يوم السبت لان الجمعه انا بقفل المحل

[هاني ابو حليمه]

اقتباس المشاركة الأصلية كتبت بواسطة محمد جراح الاخوه الافاضل البشمهندس حامد و البشمهندس هاني اشكركم على الردودو الوافيه اما عن ملاجظات البشمهندس حامد فانا عملت كل اللي قلت عليه قبل ما اكتب عن المشاركه على المنتدى باستثناء قيم الفولتيه اللي قلت عليها لازم تخرج من المتكامله و على العموم القيم كلها صفر الاخ البشمهندس و استاذنا الكبير هاني ابو حليمه الترانزستور شغال و الزنر فحصته قبل ما تقولي بالظريقه العاديه و بعد ما قلتلي عن قياس الاوم على الترانزستور كله تمام غيرت المتاكامله محصلش حاجه الجهد على مكثف البور اكتر من 300 على D الموسفت نفس القياس على مدخل المتكامله نفس القياس مكثف البور بيشحن مفيش اي فولتيه على المتكامله غير اللي جايه من D الموسفت ارجو المتابعه معايا لان الحكايه بقت عند بالشاشه دي مش علشان الفلوس اللي هتيجي من وراها ارجو اني الاقيك تفاعل منكم يوم السبت لان الجمعه انا بقفل المحل

السلام عليكم ورحمه الله وبركاته
اخي الفاضل مهندس / محمد جراح
الرجاء قياس الجهد بين سالب مكثف الالكو والطرف رقم 6 من المتكامله علي وضعيه التيار المستمر DC فان وجدت الجهد يقترب من الصفر او صفر بالفعل.... قم بالقياس الاومي بين سالب مكثف الالكو وطرف رقم 6 من المتكامله ( القياس هذه المره يكون علي وضع قياس المقاومه ) فان لاحظت وجود شورت بين سالب المكثف وطرف رقم 6 من المتكامله ..... قم بتغيير المتكامله مره اخري
اما في حاله عدم وجود شورت عليك تتبع الطرف رقم 6 من المتكامله ستجد عليه مقاومه او مقاومتين علي التوالي تقوم بربط هذا الطرف من المتكامله بموجب مكثف الالكو .... سوف تجد تلف احدي هاتين المقاومتين
نتابع معك واسال الله لك التوفيق

[mohamed_prog]

اقتباس المشاركة الأصلية كتبت بواسطة محمد جراح الاخوه الافاضل البشمهندس حامد و البشمهندس هاني اشكركم على الردودو الوافيه اما عن ملاجظات البشمهندس حامد فانا عملت كل اللي قلت عليه قبل ما اكتب عن المشاركه على المنتدى باستثناء قيم الفولتيه اللي قلت عليها لازم تخرج من المتكامله و على العموم القيم كلها صفر الاخ البشمهندس و استاذنا الكبير هاني ابو حليمه الترانزستور شغال و الزنر فحصته قبل ما تقولي بالظريقه العاديه و بعد ما قلتلي عن قياس الاوم على الترانزستور كله تمام غيرت المتاكامله محصلش حاجه الجهد على مكثف البور اكتر من 300 على D الموسفت نفس القياس على مدخل المتكامله نفس القياس مكثف البور بيشحن مفيش اي فولتيه على المتكامله غير اللي جايه من D الموسفت ارجو المتابعه معايا لان الحكايه بقت عند بالشاشه دي مش علشان الفلوس اللي هتيجي من وراها ارجو اني الاقيك تفاعل منكم يوم السبت لان الجمعه انا بقفل المحل

بص ياباشمهندس محمد انا اسمى محمد برضة عاوزك تصبر شوية وان شاء الله العطل يتحل دلوقتى حانعمل حاجة تانية اللى هيا حنتاكد ان تغذية الايسى سليمة ولا لاء وده:
فى بعص الشاشات يتم تغذية الايسى بالجهد الازم من خلال:
1- ملف ثانوى موجود بالشوبر والملف ده خاص بتغذية الايسى فقط فحاول تفحصه.
2-اما بعض الشاشات الاخرة يتم تغذية الايسى مباشرة من خلال قنطرة التوحيد بعد اضافة زينر 10.8 او 12 فولت مع مكثف تنعيم خاص بالايسى فقط.

اللى حاتعملة بإنك ترفع الايسى من البوردة خالص دا فى حالة اذا كانت تغذيتة من النوع الثانى أو لاترفعه اذا كانت تغذيتة من النوع الاول وتقيس الفولت على مكان البن 6 و7 لازم تلاقى فى حدود 11 فولت لو مالاقتش الفولتية دى يبقى العيب هنا فالتغذية ودى ممكن يبقى سببها المكثف المتصل بالبن 6و7 فعشان كده لازم تفحص المكثف ده هو وأى مكون موجود على خط التغذية الخاص بالايسى.

خلاصة الكلام حاول تتأكد من سلامة تغذية الايسى اولا.
مرفق بالاسفل رسم تخطيطى للباور سبلاى وعليك فحص الموجود بداخل المستطيلات الحمراء اما المستطيل الازرق هو الشوبر،ممكن ياباشمهندس تكتب رقم وموديل الشاسية عشان اشوف داتا شيت او رسم لدوائر الشاشة يساعدنا اكتر والله المستعان.

[IMG][/IMG]