[ahmed_atoon]

لدي ماتور كالبيدا واحد وربع حصان راكب ع 4 ادوار - بقاله سنتين تقريباً شغال كويس الحمدلله
كان راكب بالبالونه ومفتاح الكهرباء الخاص بالفتح والقفل
المهم المياه لو كانت قطعت وماحسناش بيها بيفضل الموتور شغال ع الفاضي علشان طبعاً ماقفلناش مفتاح الباور...
سألت اصدقاء قالولي ع الفلوماك جبت الايطالي بتاعه - قالولي ان وظيفته بيركب مكان البالونه وهيا بيشتغل ويفصل لوحده قعد سنه تقريبا شغال كويس ومره واحده الماتور ييجي من اخر النهار للصبح تانى يوم يفصل ويشتغل وطبعا مع الصوت العالي جداً..
جبت الراجل بتاع الموتور شاف الدنيا قال ان كان فى مشكله فى ماسوره بتسرب واتعملت اشتغل يومين نفس القصه جبت واحد تانى اول ما دخل كده من غير ما يمد ايده فى اي حاجه قالى الاوتوماتيك بايظ ومين قال تركب اوتوماتيك وتشيل البالونه وكلام كتير ...... المهم سأل ع البالونه جبتهاله راح مزودها ومركبها وفاصل الاتوماتيك... كام يوم والدنيا رجعت تانى يشتغل ويفصل مع الصوت.....

النهارده كلمت صديق ليا لقيته بيقولي كلام تانى ان البالونه والاتوماتيك بيركبوا مع بعض مش حاجه واحده بس....

اول حاجه قالهالي اني اتأكد من البالونه مايبقاش فيها خرم ويستحسن اني استبدلها بواحده تانيه..... واركبها واركب معاها الاوتوماتيك.....

ياتري اخد انه كلام علشان الصنايعيه بيشتغلوني من الاخر....
ولو هزود البالونه الاول علشان اشوف فيها مشكله ولا لأ ازود ع كام بار بالضبط

اسف ع الاطاله بس قولت اقول الدنيا كلها من الاول علشان تبقى واضحه

وفى انتظار الحل ان شاء الله

[سعيد فايد]

بسم الله الرحمن الرحيم

أدخل على هذا الرابط

http://www.qariya.com/vb/showthread.php?t=79251


وأقرأ الموضوع جيداً
ونحن معك
فى أى استفسار

شكرراً

[الإســناوى]

افحص ماسورة دخول الماء للأتوماتيك(الخاص بفصل وتوصيل الكهرباء _بين الموتور والبالونة)_بعد فك الأتوماتيك طبعا.. ستجدها مقفولة بالصدأ.. سلكها وإن شاء الله سيعمل بانتظام.
لأنها السبب فى الصوت العالى بسبب زيادة الحمل لعدم إحساس الأتوماتيك بضغط المياه وبالتالى لايفصل أو يفصل بعد فترة طويلة
.. أما تلف البالون وامتلائها بالماء وعدم عملها مع سلامة باقى الأجزاء فينتج عن ذلك أن الموتور يعمل ويفصل ويعمل ويفصل بالتوالى وبسرعة

[ahmed_atoon]

اقتباس المشاركة الأصلية كتبت بواسطة سعيد فايد بسم الله الرحمن الرحيم أدخل على هذا الرابط http://www.qariya.com/vb/showthread.php?t=79251 وأقرأ الموضوع جيداً ونحن معك فى أى استفسار شكرراً

تسلم اخي سعيد بالفعل كنت قد قرأت هذا الموضوع قبل طرح المشاركه ووجدته كاتب انه كان هناك انسداد فى بلف الاوتوماتيك هل هو ذاته (اوتوماتيك الفلوماك)
هذا اولاً
ثانياً: ستجد فى المشاركه الخاصه بي ان الشخص الثاني الذى اتي فصل الاوتوماتيك نهائياً من ع الماسوره ووضع فقط البالونه

[ahmed_atoon]

م/ سعيد
دلوقتى انا لقيت البالونه مخرومه رحت مغيرها بواحده تانيه اضمن
بس دلوقتى الاوتوماتيك راكب ع الماسوره عادي بس مش واصله كهرباء
ممكن توضيح اوصل عليه الكهرباء ازاء علشان ما ابوظش الدنيا