مناقشات حول اعطال ريكو افيشيو 350 - 450 - الصفحة 2

thebigmaster · 28-01-2010, 02:29 AM

اقتباس المشاركة الأصلية كتبت بواسطة salem805

السلام عليكم ورحمه الله وبركاتو وجزاك الله خيراً كثيراً اخى ونفعنا الله بعلمك
يوجد عندى استفسار بخصوص الافيشيو 450 بتعطى كود sc-547
ماهو علاجه وكيفيه التعامل معه وليا عند حضرتك طلب
أريد رقم التليفون المحمول وشكراً

وعليكم السلام ورحمه الله وبركاته وجزاك الله خير يا مهندس سالم
كود 547 السبب فيه هو ان حصل تشويش في الفولت اللي داخل للاله اترتب عليه تلف في وحده الباور سابلاي ...وممكن يكون حصل تشويش في الفولت بس يعني لو مسحت الكود بالدخول على السيرفس مود ومسحت الكود واتكرر هيكون السبب 90 % تلف في كارته الباور سابلاي او قطع في الاسلاك اللي بتوصل الفولت للسخان من الباور سابلاي
ورقم تليفوني هو 0120445597 وانا في انتظار اتصال حضرتك لو عايز تستفسر على اي حاجه

thebigmaster · 06-02-2010, 09:10 PM

السلام عليكم ورحمه الله وبركاته
ايه محدش عندو مشاكل مع الآله ؟؟؟
طيب هقولكو على اكتر مشكله بتظهرلي في الاله دي وهي مشكله التونر....الآله الريكو 350 ليها تونر معين اللي هو تايب 3100 واي تونر غير ده بيسبب فيها مشاكل ...وافضل انواع التونر ده هو التونر الامريكي والانجليزي وبيكونو في عبوات كامله 700 جرام وبييجي بعدهم التونر السويسري اما باقي الانواع انا مابستعملهمش لاني بحب اريح بالي ولو هيزيد التونر الاصلي عن التعبئه 20 جنيه مش هتفرق كتير لان متوسط النسخ في العبوه الاصلي اكتر من التعبئه غير ان التونر الاصلي بيحافظ على عمر الوحدات الداخليه للاله
انا في انتظار اي استفسارات عن الاعطال الخاصه بالاله ريكو 350

thebigmaster · 11-02-2010, 10:38 PM

ايه الحكايه؟؟؟
محدش عندو اعطال ولا ايه؟؟؟
المشكله اللي بتواجهني الايام دي هي مشكله (تغيير الديفولبر)...ودي مشكله كل شويه تحصل ان يجيلي ناس غيرو الديفولبر للاله والعيوب لسه عندهم زي ما هي...اخواننا المهندسين اللي في السوق(اغلبهم مش كلهم طبعا) بيحاولو يكسبو من اي شيء وخلاص واي عيب في الصوره بيقومو بتغيير الدرام والشفره والديفولبر وطبيعي ان الصوره بعد كده بتتحسن بس ده من كرم ربنا عليهم ومن سترو ليهم مش اكتر
نصيحه لكل اللي بيمرو في المنتدى انهم يتقو الله في الناس ومايغيروش حاجه الاله مش محتاجاها عشان يكسبو وخلاص لان ربنا مش هيباركلهم في المكسب ده وبدل ما تغير حاجه اتأكد منها وتابع الاشاره لحد لما توصل للعطل عشان تكسب ثقه العميل ويحس انك خايف عليه وعلى مصلحتو واكيد هتكسب اكتر بكتييير ...هتكسب اسمك وهتكسب الاستمرار مع العميل وهتكسب دعوات الناس ليك لما يعرفو انك خايف على مصلحتهم
الديفولبر بتاع الاله دي(تايب 5) عمرو طويل ومش بيتغير الا في تلات حالات
اولها هو انو يضعف ...وده طبعا مع الاستهلاك ممكن يضعف الديفولبر ويسبب بهتان في الصوره واحيانا لما بيضعف بينجذب للدرام زي التونر وبيخرج برا الوحده بتاعتووينتشر في الاله وممكن يسبب مشاكل في بكر السحب..وفي الحاله دي بيقل الديفولبر في الوحده .
وتاني حاجه لما بيقل الديفولبر في الوحده(تانك الديفولبر) طبعا بيسبب تلطيش في الصوره من الناحيه الداخليه للاله مع بهتان جزئي في الصوره
وتالت حاجه هي التلف...احيانا بيتلف الديفولبر بسبب الرطوبه الزايده فيه ويسبب سواد في الصوره

يالا اللي عندو مشكله يتفضل وانا معاكم

اسيد · 18-02-2010, 11:34 PM

اقتباس المشاركة الأصلية كتبت بواسطة salem805

السلام عليكم ورحمه الله وبركاتو وجزاك الله خيراً كثيراً اخى ونفعنا الله بعلمك
يوجد عندى استفسار بخصوص الافيشيو 450 بتعطى كود sc-547
ماهو علاجه وكيفيه التعامل معه وليا عند حضرتك طلب
أريد رقم التليفون المحمول وشكراً

مرحبا
عذرا للمهندسسسين
تلفوني هو 07807902979 العراق بس المفتاح مااعرفه

اسيد · 18-02-2010, 11:36 PM

اقتباس المشاركة الأصلية كتبت بواسطة salem805

السلام عليكم ورحمه الله وبركاتو وجزاك الله خيراً كثيراً اخى ونفعنا الله بعلمك
يوجد عندى استفسار بخصوص الافيشيو 450 بتعطى كود sc-547
ماهو علاجه وكيفيه التعامل معه وليا عند حضرتك طلب
أريد رقم التليفون المحمول وشكراً

مرحبا
عذرا للمهندسسسين
تلفوني هو 07807929079العراق بس المفتاح مااعرفه

thebigmaster · 19-02-2010, 04:46 PM

اقتباس المشاركة الأصلية كتبت بواسطة اسيد

مرحبا
عذرا للمهندسسسين
تلفوني هو 07807929079العراق بس المفتاح مااعرفه

طيب ما تبقى تعرف المفتاح وتقولنا عليه كمان؟؟؟

عريبى محمود · 19-02-2010, 11:43 PM

بسم الله الرحمن الرحيم

-----------------------
البشمهندس/thebigmaser
تحية طيبة وشكرا على خدماتك القيمة
لى استفسار وهو ان سرعة الماكينة يوجد نوع 45 ورقة فى الدقيقة ونوع اخر 35 ورقة
فى الدقيقة---- علمت ان احد المهندسين قام بتحويل ال 35 الى 45 ورقة ارجو من
سيادتك كيفية التحويل بالتفصيل الشديد
مع تحياتى******

fastwave2 · 24-02-2010, 11:25 PM

عاوز اعرف بعد اذنك اعمل سوفت وير للماكينه 1045
1 - ما هى اداة التنزيل للماكينه
2 - من اين اشتريها وبكام
3 - كيف اتعامل معها
انا اميلى fast_wave99***********
ولكم جزيل الشكر