وعليكم السلام

انا هعلق بس على نقطة المكثف


هذا المكثف الذى تتحدث عليه ليس موجود فى هذه الدائرة
المكثف الذى يعطى نبضة موجبة ثم يفصل بيكون مربوط على الجهد الموجب
اما المكثف الذى علقت انت عليه فهو المكثف رقم اربعة وهو متصل بسالب المصدر ولا اتصال بينه وبين الجهد الموجب حتى يستطيع القيام بعمل ريزيت عند عودة التيار
وراجع الدائرة ستجد انه يعمل تفريغ خلال نقطة الريزيت عند انقطاع التيار لانه بيشحن عندما تخرج نبضة من الخرج تشحنه وعند انقطاع التيار يفرغ شحنته خلال نقطة الريزيت التى تكون سالبة عند انقطاع التيار

المكثف والمقاومة فى الدوائر العادية للمتكاملة 4060 الذان يسببان الريزيت والتحول الى السالب مرة اخرى بفضل شحن المكثف لاوجود لهما هنا فى هذه الدائرة

بالنسبة للدائرة الجديدة انا ان شاء الله هحاول معاها على اد ماقدر وبعدين اخد رايك

السلام عليكم

فكرة التمرين الجديد ولو انها باينة معقدة الا انك لو حاولت تتمعن فيها هتلاقيها جميلة وبسيطة خصوصا لما تقرأ الشرح



شرح الدائرة:

فكرة الدائرة مبنية اساسا على ان فيه واحد بيحب يقرأ قبل النوم فبيشغل الاباجورة او المصباح وبدل مايظل المصباح شغال للصبح بيطفى المصباح اوتوماتك بعد نصف ساعة من الضغط على المفتاح p2

هو حاطط ليد احمر على اساس انه بيشتغل اول مايوصل الباور على دائرة الناند ويظل الليد شغال الى الدقيقة 25 حيث بعدها بيعطى تذبذب فى الاضاءة لمدة دقيقتين بعدين يقف التذبذب لمدة دقيقتين ثم يتذبذب تانى لدقيقتين بعدين ينطفى المصباح الرئيسى

وهذه العملية كتحذير او لفت انتباه للقارئ ان المصباح الرئيسى سوف ينطفئ بعد ست دقائق فلو عاوز فترة تانية دوس على المفتاح p2 مرة اخرى حتى تعمل ريزيت للعداد

فكرة توصيل اتنين ناند على التوازى حتى تحصل على تيار اعلى لو كنت محتاج تشغل مثلا جرس

الفكرة من استخدام ناند اربعة طرف :

هو موصلها الى الخرج Q10 , Q12 , Q13 والى مكثف المذبذب لان فيه وقت مشترك بيكونوا الثلاثة خرج رقميا = واحد لمدة دقيقتين وايضا بيكون الخرج لهم رقميا = صفر لمدة دقيقتين
والذى يحدث التذبذب فى اضاءة الليد هو توصيله للنقطة 9

الصورة اثناء تذبذب اضاءة الليد وانذار بان الوقت قرب على الانتهاء ولاحظ ان خرج الثلاثة = 1



لحظة اطفاء المصباح :

تحدذ لحظة اطفاء المصباح عند ظهور الجهد الموجب على الخرج الاخير حيث يشجن المكثف ويتسبب فى اطفاء الريلاى عن طريق وقف عمل الترانزستور الاسفل




ناتى الى دائرة الترانزستور والريلاى:

فكرتها جميلة جدا وهى تشبه الى حد كبير فكرة الثايروستور



عند الضغط على المفتاح P 2

لاحظ ان المفتاح بوش بوتوم يعنى مفتاح مثل مفتاح الجرس
فعند الضغط عليه يذهب تيار لعمل ريزيت للنقطة 12
وايضا يذهب تيار الى قاعدة الترانزستور السفلى باللون الازرق وينقطع عند رفع اليد على المفتاح

عند وصول التيار باللون الازرق على قاعدة الترانزستور الاسفل يتم وصل مجمعه مع مشعه ومجمعه متصل اساسا بقاعدة الترانزستور العلوى والتى تمثل دايود مع المشع للترانزستور العلوى وهو فى حالة توصيل امامى

حيث تلاحظ انه من نوع PNP
وعليه فوصلة دايوده (مشع / قاعدة ) عليها جهد مضبوط 12 فولت فى حالة انحياز امامى فيسرى التيار منها الى مجمع السفلى الى مشعه الى المقاومة ثم الى الارضى

ومن ناحية اخرى اصبح الترانزستور العلوى فى حالة تغذية صحيحة على قاعدته فيمر تيار بين مشعه ومجمعه الى الريلاى حيث يضيئ المصباح

عند رفع يدك عن المفتاح لايتوقف مرور التيار فى الاتنين ترانزستور لان اصبح هناك تغذية ذاتية فالتيار القادم من البطارية 12 فولت يذهب الى المشع ثم مجمع العلوى ثم يدخل منه جزء الى قاعدة السفلى والباقى يذهب الى الريلاى

اذا اردت ان توقف عمل تلك المجموعة الجميلة ماعليك الا ان تضغط على المفتاح رقم P1
لانك بالضغط عليه فقد جعلت الجهد بين قاعدة الترانزستور العلوى ومشعه = صفر وعليه اصبح جهد انحياز قاعدته = صفر مما يؤدى به الى التوقف فورا

الطريقة الثانية لتوقف تلك المجموعة مع الريلاى هو ان تضع جهد معاكس على مشع الترانزستور الاسفل عن طريق شحن المكثف رقم 3 بواسطة الجهد الخارج من الطرف الاخير Q 14عند انتهاء الوقت

يعنى الاتنين ترانزستور مثل الثايروستور يحتاجوا فقط نبضة قدح على قاعدة السفلى لكى يعملوا ويمر التيار الى الريلاى
ونبضة القدح تاتى يدويا عند الضغط على المفتاح P2

ملحوظة : ترقيم المفتاح فى الصورة عندى مختلف عن ترقيم الصورة الاصلية

اتمنى ان يكون الشرح واضح ياحمام

ملف الدائرة على السيركت ويزرد
بس لازم يكون عندك النسخة الاصلية يااخ سعيد

http://www.4shared.com/file/HlKc52PO/___online.html

السلام عليكم

كلامك سليم بالفعل لابد من أن يكون المكثف متصل بالموجب
و هذا غير موجود بالفعل شكرا لك أستاذ أحمد على التوضيح

و بالنسبة للدائرة الثانية هى جميلة حقا و شرح ممتاز بارك الله فيك

جزاك الله خير
الفضل لك انت والاستاذ زكى والاخ حيدر وعبد الله فقد تعلمت على ايديكم

السلام عليكم ياحمام

تقريبا احنا هنوصل لنهاية الملف

دى دائرة خاصة باعطاء جرس للمسابقات عند وقت معين نختاره حسب وضعية المفتاح



R1 = 220R
R2 = 10M
R3 = 1M
R4 = 10K
R5 = 47K
C1 = 100nF-63V
C2 = 22F-25V
D1 = 1N4148
D2 = 3mm. Red LED
Q1 = BC337
P1 = SPST Pushbutton (Start)
P2 = SPST Pushbutton (Reset)
PS = Piezo sounder (incorporating 3KHz oscillator)
B1 = 3V Battery (2 AA 1.5V Cells in series)
IC1 = CD4081 Quad 2 input AND Gate IC
IC2 = CD4060 14 stage ripple counter and oscillator IC
SW1 = 4 ways Switch (See notes)


بس مش عارف هو ليه حاطط دوائر اند كتيرة خصوصا التى وضعها على مدخل الترانزستور
والليد فقط عشان يضيئ ويطفى اثناء العد
والمفتاح رقم 2 عشان يقلل مقاومة المذبذب بوضع المقاومة رقم خمسة على التوازى مع المقاومة رقم 3 عند الضغط على المفتاح

ياريت تعلق عليها وتعرفنى سبب الناند على مدخل الترانزستور

الدائرة التالية :

دائرة تعطى جرس للجماعة المرفهين الذين ياخذون حمام شمس وخايفين ان تزيد شدة اضاءة الشمس فوضع مقاومة ضوئية عشان تتحسس شدة ضوء الشمس



Parts:
R1 47K 1/4W Resistor
R2 1M 1/4W Resistor
R3,R5 120K 1/4W Resistors
R4 Photo resistor (any type)
C1,C3 10F 25V Electrolytic Capacitors
C2 220nF 63V Polyester Capacitor
D1,D2 1N4148 75V 150mA Diodes
IC1 4060 14 stage ripple counter and oscillator IC
IC2 4017 Decade counter with 10 decoded outputs IC
Q1 BC337 45V 800mA NPN Transistor
SW1 2 poles 6 ways Rotary Switch (see notes)
SW2 SPST Slider Switch
BZ1 Piezo sounder (incorporating 3KHz oscillator)
B1 3V Battery (two 1.5V AA or AAA cells in series etc.)




ياريت برده تعليق سريع عليها عشان اخوننا المبتدئين

السلام عليكم

أهلا بك أخى أحمد ما الموضوع يا أخى الكريم كنت قد رأيت عضويتك قد أوقفت و لقد أنزعجت كثيرا بقدر أستغرابى من الأمر !!!

بالنسبة للدائرة فالمصمم لم يستخدم بوابات كثيرة هو أستخدم المتكاملة 4081 و هى بها أربع بوابات و هذا أضطرة لأستخدام الأربع بوابات
فتجد مثلا البوابة A و B تم وضعهم معا كأنهم بوابة واحدة و ذلك لأنة لو أستخدم واحدة سيضطر لألغاء الأخرى بربطها بالجهد السالب حتى لا تؤثر على أستقرار الدائرة

و أستغل البوابتان A و B فى أضاءة لمبة بدل من تركهم

و أعتقد أن البوابة الرئيسية التى بسببها أدخل المتكاملة 4081 هى البوابة C و ذلك لكى يستخدمها كمذبذب تعمل من خلال مذبذب المتكاملة 4060 و تخرج التردد على قاعدة الترانزستور

وعليكم السلام ياحمام
حصل خطأ فنى ياحمام تسبب فى وقف عضويتى ..وجزاك الله خير على تعاطفك معى

بالنسبة للدائرة التانية التالية فانا بصيت فيها تانى وهى ليس بها جديد استخدام عادى للمتكاملتين 4060 و 4017 وبيستخدم المقاومة الضوئية كمقاومة تتحكم فى تردد المذبب يعنى فى الوقت

المهم هننتقل لاخر دائرة فى الملف وهى دائرة الستوب واتش وهى محتاجه وقت ومجهود وفيها ايسيهات جديدة ومحتاجه شرح وبحث فهل عندك فكرة عن تلك الايسيهات حتى توفر عليا البحث ؟



هم
14511 و 14518

تخيل يامحمد انه مستخدم 4060 و 4040 عشان يحصل على نبضة ترددها 1 هيرتز

مطول اوى فى الحسابات عشان يطلع من المتكاملتين نبضة ترددها 1 هيرتز

الظاهر المذبذب الكريستال سبب التطويلة دى واللفة الكبيرة دى

عشان التردد الخارج من المذبذب الكريستال كبير جدا عشان كده احتاج ل 4040 كمان مع 4060


The generator of the circuit comprises of the integrated circuits CD4040CM and CD4060CM. We use a crystal which oscillates at a frequency of 4,194,304Hz. It is obvious that this frequency is completely useless, as it is too big to be used as it is to our circuit.

عشان نبضة الساعة الذاهبة للشاشة شغالة على واحد هيرتز فمحتاجين نقسم تردد الكريستال مرات عديدة بواسطة 4060 و 4040 حتى نحصل فى النهاية على نبضة واحد هيرتز

النبضة اللى خارجه من المذبذب الكريستال ترددها 4194304
دى لما تخرج من اخر طرف على 4060 وهو Q14 بتكون اتقسمت على 16384 يعنى اتقسمت على 2 اس 14
يعنى هتخرج قيمتها 256 هيرتز

ولما تدخل على 4040 بالقيمة دى واحنا عاوزينها واحد هيرتز بس يبقى هنختار الخرج الذى يقسم 256 ويعطينا واحد وهو الخرج رقم 8 الذى يقسم تردد النبضة الى 2 اس 8 يعنى يقسمها 256 مرة مرة فتخرج فعلا بتردد واحد هيرتز

الظاهر 14511 هى نفسها 4511

انا شايف لغاية الان ان مفيش فرق بينهم