كل سنة وانت طيب يا باشا ... والف مبروك على العضوية الذهبية ... أنت بجد تستاهلها
نرجع للموضوع ... طبعاً موضوع ممتاز وأعذرنى على التأخير فى قراءة باقى الأجزاء نظراً لعدم توفر الفرصة ... نأتى للجزء الأهم
حصرتك أسهبت كثيراً فى أسس تغيير البوردة بالنسبة للهارد ... على راسى من فوق يا باشا ... طبعاً كل الى قلته صح ولو مشينا عليه هنوصل لنتيجة 100 % ... بس يا باشا الواقع العملى زى ما انت عارف مختلف مش كل الناس عندها هردات تقطيع كاملة بتغير منها لكن المعظم بيشترى البوردة نفسها سواء كانت جديدة ولا مستعملة ... معتمدين على موديل البوردة خاصة فى WD الى بيكون مكتوب عليها مثلاً sn: 2060-701292-000
وغالباً بيتميز بالـ 3 أرقام الأخيرة 000 أو 001 أو 002 وهكذا
يعنى الواحد بيروح للى بيشترى من عنده قطع الغيار يقوله مثلا هاتى بوردتين 002 وبوردة 001 أو بتتميز بتاريخ الأنتاج 2004 - 2005 -2006 وهكذا
|
بداية أهلا بك اخي عبده من جديد وكل سنة وانت بصحة وسلامة
كعادتك ردودك إما لإضافة مميزة أو تعليق أكثر تميزا وأنا انتظرت هذا التعليق كثيرا في أي رد وأخيرا أتيت انت به
من البديهي أن صيانة الهارد الغرض الأساسي منها استرجاع الداتا طبعا شغلنا هنا هو الغرض منه تصليح الهارد وغالبا مش مهم الداتا انا بحكم موقعي شركتي وقربها من الجامعة اتعرض على الاقل لخمس حالات شهريا من طلبة الماجستير او دكاترة الجامعة ان الهارد تالف وعلية مجهود سنين وهو رسالة الدكتوراة .
معظم الشركات المشهورة مثل pc3000 or yas or atolya or salvation data هي تعنون منتجاتها دائما بداتا ريكفري وليس صيانة الهارد وكل الخطوات التي يقوم بها جهاز pc3000 هي خطوات تمهيدية لاسترجاع الداتا ولو بحثت بالنت لوجدت تكلفة استرجاع الداتا من هارد مثلا 80 جيجا ربما تكلفك ما يوازي 1000 جنيه يعني حوالي 10 اضعاف ثمن الهارد
وما شرحته انا من أسس صحيحة من مواقع هذا الشركات وتلك الاسس بعد سنوات خبرة طويلة هناك
نأتي لأسلوب شغلنا هنا
إحنا فعلا بنشتري البرد كما قلت أنت بموديل البردة وليس الهارد وكثيرا ما تقابلنا مشاكل الروم أو mbr بعد تركيب البردة وبالتالي غالبا تضيع الداتا
انا في نهاية موضوعي وضعت ثلاث روابط مكملة للموضوع كي لا أتجاهل طرق صيانة أو تغير البردة بالطريقه الفنية العادية
دمت بخير
