الف شكر يا بشمهندس عادل
لكن لي استفسار بخصوص تنظيف السخان
هل يتم تلقائيا ام يجب علي انا تشغيل التنظيف؟
وبعد اذنك لو فيه سيرفيس مانيوال للسورتر والفيدر

عملية تنظيف السخان تتم اوتوماتيك بدون تدخل منك
واعتزر عن عدم توافر المانيولات
وسلام

بصراحة يا باشمهندس عادل تجاوبك الشديد مع الاعضاء بيطمعني اني اسأل في كل صغيرة وكبيرة

خصوصا ان اول مرة اتعامل فيها مع مكن تصوير هي اول مرة كلمتك فيها هنا ( يعني خام)

بدأت تظهر في الورق بقع تزيد احيانا وتخف احيانا وهي بقع محددة مش مجرد لحوسة .

وظهر خط عريض اسفل الصفحة لكنه خفيف واخد الورقة كلها بالعرض .

نصحنى بعض اصحاب الماكينات بتنظيف المرايات وتنظيف مكان الحبارة وتنظيف الويرات سواء اللي خلف الحبارة او اللي قبل السخان .

عملت كده فعلا فالبقع بالوصف الاول خلاص راحت تقريبا لكن ظهرت حاجات جديدة .

بعض الورق بيطلع في بطش حبر زيادة وممكن تشيلها بالحك .

(انا عارف اني سألت قبل كده عن موضوع تغيير الحبر دون تنظيف التنك وهل بيعمل بقع ولا لا , وانت قلت لازم تنظف ,, لكن هل توصل لدرجة كلاكيع حبر وصل ارتفاعها عن سطح الورقة في مرة حوالي 3 مللي وبنص قطر 5 مللي تقريبا ,, وهل لو سبب المشكلة هو اختلاف نوع الحبر هل الحل اني ارمي الحبر وانظف الحبارة واملى من جديد ؟؟ ولا في حلول اخرى ؟؟

وهل اللي حصل ده اثر على اي جزء من اجزاء الماكينة ؟؟



يا ترى ايه سبب الحاجات دي ؟؟

***********************

سؤال ثاني :

لما فكيت الحبارة وطلعتها ( وده بيحص لاول مرة ) لقيت الفيشة الرئيسية اللي بتصول كهرباء للحبارة ,, وفيشتين صغيرين خالص لاقيتهم مفكوكين مش موصلين , طبعا الماكينة كانت جاية كده وشغالة كده من ساعة ما جت .

انا قلت اكيد الخواجة ما عملش فيش بدون لازمة قمت ركبتهم مكانهم .

يا ترى دي فيش ايه ؟؟

وهل اركبهم ولا افكهم تاني ؟؟


شكرا يا بشمهندس وبجد انا باطمئن لاجاباتك

شوف يا عم سد
البطش دي نتيجة سقوط الحبر الزائد علي الورقة ( العادم ) في وقت تنظيف الدرام عن طريق البليد
ودة نتيجة وجود نوعين حبر بالتانك
ممكن تفك الدرام وتنظف وراء البليد كويس وتنظف شاسية الدرام كويس والمشكلة دي تروح
لو مظبتطش اصبر شوية لحد ما الحبر اللي موجود في التانك يتصفي علي نوع واحد وساعتها كل حاجة هتبقي تمام

***********************


طبعا الجاكات دي بتاعة سنسور الحبر ( حساس الحبر )
اللي بيقول للهوبر انة يزود التانك حبر
وبيقول ان الحبر انتهي وهكذا
وطبعا لازم توصلهم
انا مستغرب انهم مفكوكين
لكن في سبب واحد بس يخلي المهندس يفك الجاك دة
اللي هو اية بقي ؟؟؟؟؟؟
ان يكون الهوبر فية مشكلة
يعني الماتور بتاعة محروق او في تروس مكسرة
وبذلك عند طلب التانك من الهوبر انة يزود الحبر ساعتها
توصل اشارة الي الهوبر انة يلف ولو ملفش يظهرلك خطاء E020
هو دة السبب الوحيد اللي يخلي المهندس يفصل جاك السنسور بتاع تانك الحبر
انت بقي سيبة موصل لو ظهرت رسالة الخطاء يبقي الهوبر فية مشكلة
لو مظهرتش يبقي ممكن يكون اتنسي او اي حاجة تانية

شكرا يا بشمهندس وبجد انا باطمئن لاجاباتك[/QUOTE]

لا شكر علي واجب وانا تحت امرك في اي استفسار
وسلام

هل موضوع فك الدرام وتنظيف ( وارء البليد ,, ما هو البليد اصلا ؟؟ ) وتنظيف الشاسية تنصح انه يقوم بها متخصص ؟؟ ولا اتوكل على الله وادخل بقلب جامد ؟؟

ولو الموضوع يتحل بتصفية الحبر ومش هحتاج افك اي قطعه ,, طيب ما افك الحبارة وارمي الحبر اللي فيها وانظفها من جوه بقطعة قماش وخلاص ( انا عامل حوالي 10000 صورة لحد دلوقتي من ساعة ما حطيت كيلو الحبر فالفاضل اقل من ربع اللي اتعمل تقريبا ) ولا ايه رايك ؟

***********************

الحبر خلص مرتين قبل كده وكان بتظهر رسائل انه قرب يخلص وفي الاخر التصوير يقف خالص ويشرح لي ازاي املأ الحبر ,, مع ملاحظة ان ده حصل والجاكات دي كانت مفكوكة ,, هل انت تقصد حاجة غير اللي انا قلتها دلوقتي ؟؟

برضه علشان يكون الكلام اكيد هو في جاك بيدخل جنب البريمري كرونا بالضبط وجاك تاني بيدخل جنب عمود صغير كده وكل ده ورا الحبارة .

ولو تسمح توضح لي الفرق بين التانك والهوبر ويعني ايه واحد التاني ؟

انا لما باملأ الحبر بيكون في انهي فيهم ؟

ويا ريت تعذر جهلي

ومنكم نستفيد

السلام عليكم ورحمة الله وبركاته يا بشمهندس
الماكينة عندي canon np6030 أظهرت رسالة تطلب حبر فوضعت لها الحبر الذي أضعه في كل مرة ولكن هناك حاجة غريبة حصلت هو أنها كلما صورت حوالي 20 ورقة تبعت نفس الرسالة وتطلب حبر قمت بفتح مكان الحبر فوجت الحبر كما هو
فما هو الحل مع هذه الرسالة وهذه الماكينة بالذات التي احترت معاها ؟
دمت لنا وجزاك الله عنا خيرا .
والسلام عليكم ورحمة الله وبركاته .

اولا فك الدرام دة بالذات معقد شوية فبلاش لو انت مشفتوش بيتفك قبل كدة
خلي المهندس يعملها قدامك الاول وبعدين ابقي اعملها انت لوحدك
اما بالنسبة للحبر مش هينفع تفك الحبارة وترمي الحبر لان الحبر موجود في التانك والهوبر بردة
لو هتفضي التانك مش هتعرف تفضي الهوبر لانة لازم يتفك الاول
***********************


يبقي دي مش جاكات التانك
يبقي انا فهمتك غلط

[QUOTE=السد العالي;344784]
برضه علشان يكون الكلام اكيد هو في جاك بيدخل جنب البريمري كرونا بالضبط وجاك تاني بيدخل جنب عمود صغير كده وكل ده ورا الحبارة .[/QUOTE

لا الجاكات دي بتاعة موتور تنظيف البريمري كرونا والترانسفير كرونا
ودول ممكن نفصلهم ومفيش مشكلة مع مراعاة تنظيف الكرونات دي يدوي

انت بتملي الحبر في الهوبر
والهوبر دة وحدة لتقليب الحبر وكمان تزويد تانك الحبر بالحبر لما منسوبة يقل
وعلشان اقولك السيستم ماشي ازاي يبقي نحكي الحكاية من الاول
1- تانك الحبر بة حبر لة منسوب معين وملتسق بالدرام لنقل الحبر الي الدرام ثم الي الورقة
2- بعد تصوير كمية من الورق يقل منسوب الحبر بالتانك وبذلك يعطي السنسور الخاص بتانك الحبر اشارة الي ماتور الهوبر ليعمل ويغذي التانك بالحبر
3- بعد وصول الحبر في التانك الي المنسوب المظبوط يعطي السنسور اشارة اخري لكي يتوقف ماتور الهوبر عن العمل
4- بعد تغذية التانك بالحبر عن طريق الهوبر يقل منسوب الحبر بالهوبر بعد فترة
5- يعطي سنسور الحبر الخاص بالهوبر اشارة الي ال DC بان الحبر منسوبة قل
6- تعطي الماكينة رسالة للمستخدم تشير بان علية اضافة حبر الي الماكينة
وهكذا
وعلي فكرة الهوبر دة غير موجود في كل الموديلات
بعض الموديلات تكتفي بوجود تانك حبر فقط
واي استفسار اخر انا تحت امرك
وسلام

يبقي كدة يا عم نبيل السنسور بتاع الحبر بة مشكلة
ممكن ننظفة الاول لو المشكلة متحلتش يبقي نغيرة
وسلام