وليا كمان سؤالين
الاول هو لازم المقاومة ال 4ohm
والتانى اعمل مقاومة الضبط على كام اوم

شكرا على ردك الهادى
انا عارف انها موجودة فى محرك الاقراص ولكن انا كان قصدى اشتريها منين وانت وضحت قلت من اى محل كمبيوتر وانا اول ما هيفتح هسأل

وكمان سؤال انا عارف ان اسألتى كترت
هى اة فايدة الدايرة هو اللى انا اعرفة يعنى من معلوماتى القليلة ان الlm317 بتثبت الجهد بس جهد البطارية كدة كدة ثابت علشان كدة انا قلت اسأل واستفيد يعنى

اقتباس المشاركة الأصلية كتبت بواسطة طالب العلم20 شكرا على ردك الهادى انا عارف انها موجودة فى محرك الاقراص ولكن انا كان قصدى اشتريها منين وانت وضحت قلت من اى محل كمبيوتر وانا اول ما هيفتح هسأل

وإذا ما حصلتش القطعة جاهزه، فخذ محرك أقراص عطلان من المحل.

شكرا على النصيحة

اقتباس المشاركة الأصلية كتبت بواسطة طالب العلم20 وليا كمان سؤالين الاول هو لازم المقاومة ال 4ohm والتانى اعمل مقاومة الضبط على كام اوم

المقاومة 4 اوم لحماية دايود الليزر اثناء ضبطك للتيار عن طريق المقاومة المتغيرة لان ممكن المقاومة المتغيرة تصل للصفر اثناء الضبط فتحرق الليزر

بالضبط كانك بتضع مقاومة على اى ليد ياخذ 2 فولت لتحديد تياره مثلا على 10 مللى على بطارية مثلا 6 فولت فتحسب حساباتك وتضع مقاومة تتحمل اربعة فولت وتحدد بها التيار على 10 مللى

مثلا اذا طلعت 100 اوم وانت تريد التيار يتراوح بين خمسة وعشرة مللى فانت بتضع مقاومة متغيرة 150 اوم مثلا لكى تتحكم فى قيمة التيار بين 5 و 10 ولكن اثناء ضبطك وتحريكك ل 150 اوم ممكن ان تنزل الى 50 اوم وعليه يزيد التيار فى الدائرة عن 10 مللى ويحرق الليد
وهنا نضع مقاومة امان وهى المقاومة الثابتة حتى لو انخفضت المقاومة المتغيرة لايحترق الليد

وكمان سؤال انا عارف ان اسألتى كترت هى اة فايدة الدايرة هو اللى انا اعرفة يعنى من معلوماتى القليلة ان الlm317 بتثبت الجهد بس جهد البطارية كدة كدة ثابت علشان كدة انا قلت اسأل واستفيد يعنى

هو منظم جهد وايضا منظم للتيار اساسا فى هذه الدائرة لان عندما يسحن الليزر بيسحب تيار عالى عند نفس الجهد الذى كان يعمل عليه قبل ان يسخن وعليه فوظيفة مثبت التيار هنا LM317 هى تخفيض الجهد لتثبيت التيار على نفس القيمة القديمة قبل ان يسخن الليزر

والليزر عامة نوع من انواع الدايود والعلاقة بين الجهد والتيار غير خطية بمعنى ان الزيادة فى الجهد لاتقابلها نفس الزيادة فى التيار طول الوقت ولكن فى حيز ضيق جدا بتحصل بيحدث العلاقة الخطية بعدها بنلاقى ان اى زيادة فى الجهد بالمللى فولت تقابلها زيادة كبير فى التيار

وبيختلف جهد تشغيل الدايود الليزر من نوع الى اخر وكذلك التيار ايضا فمنها من لايتحمل 20 مللى امبير ومنها من يتحمل 450 مللى امبير

وعليه يجب مراعاة جهود البطارية التى تعمل عليها يجب ان تكون مناسبة

ووظيفة المكثف حماية الليد من اى زيادة مفاجاة فى الجهد مثل السبارك من البطارية
واحياننا بيضعوا دايود لتخفيض الجهد الخارج من المنظم

الموقع ده فى مواصفات احد النوعيات من دايود الليزر

http://document.sharpsma.com/files/GH04P21A2GE.pdf

والموقع ده للاخ يوسف فيه مناقشات حلوة عن الليزر

http://laserpointerforums.com/f44/ho...ant-46670.html

شكرا يا استاذ احمد
لكن الليزر دايود الموجود فى الdvd rom كام فولت وكام مللى امبير

مانا قلتلك مثله مثل الليد بالضبط تلاقى منها انواع مختلفة الجهد والامبير
وهو كمان حسب نوع الليزر الذى عندك وانت احسن شيئ عشان تكون فى الامان ابدأ بجهد صغير مثلا من 2 فولت وابدا ارفعه لو ماجاب معاك نتيجة وطبعا مستعيننا بالمقاومة المتغيرة

المهم الموضوع محتاج بحث عن انواع الدايود الليزرى ده فاصبر شوية الى ان ابحث او يجاوبك احد الاخوة