بما إن الفلوماك غالي و حساس الضغط مش موجود و الريليه هيعمل مشاكل لان المياه لو ضعفت ممكن التلامسات تشرز مش باقي غير حساس الحرارة اللي بيركب في جسم الطرمبة مكان أي مسمار.
حساس الحرارة ده مشكلته إن طول ما المياة قاطعة هيفضل يوصل كل ما الماتور يبرد و يرجع يفصل تاني لما يسخن من الدوران من غير مياه و ده طبعا مش كويس للمخدات و البلي و الطرمبة.
المهم عملتله دايرة تخليه لو فصل مايشتغلش تاني إلا لما يعملوله رست ، لو الرسمة مش واضحة ارسمها يدوي و اصورها و ارفعها بس أنا رسمتها ببرنامج everycircuit لان عدسة الكاميرة ضعيفة شوية مهما زودت اﻹضاءة بتبقي مش واضحة كفاية و أنا لايهمني إلا أن تكون مريحة ليك فلو مش واضحة قولي بس و أنا هتصرف.
السويتشين اللي في الرسم: اللي فوق شوية عوامة و اللي تحت شوية حساس حرارة.
فكرة الدايرة لو الحساس جاي له أرضي من العوامة و مش رايح منه أرضي يبقي الحساس فصل و الماتور دايرته تفتح لغاية ما يتعمله رست من البوش باتن.
ال3 رليهات اللي تحت الحساس (2 جنب بعض و التالت تحتهم) وظيفتهم يدو أرضي لملف الريلاي اللي ناحية الماتور لو ان الترموستات مش فاصل.
لو عندك وقت يا أستاذنا يا ريت تبص فيها و تراجعها.
