لو تذكر يا أستاذنا مشكلة القاطع اللي كان بيفصل من غير سبب بالليل مع إن الحمل كان اقل من ربع امبير القاطع عبارة عن كشافات إنارة للشارع و مفيش تسريب و غيرت القاطع بآخر شنايدر و مع ذلك استمرت المشكلة حتي إكتشفت السبب بالصدفة من كام يوم.
و الذي حصل انهم اخبروني ان المشكلة تكررت و عندما ذهبت و جدت مفتاح القاطع مرفوع و مفيش كهربا خارجة منه و قال لي انه باﻷمس كل ميرفع المفتاح ينزل في الحال فقرر مشكورا انه يعلق ايده علي المفتاح عشان مينزلش، فكان من نتيجة ذلك انه سمع علي الفور صوت انفجار و خرج دخان كثيف و شعر بحرارة في المفتاح فتركه من يده و صعد لينام ثم انه ابلغني في الصباح .
المهم سألته عن مكان الدخان فوجدته محروق و فصلت الرباط الذي بعده و قست فعرفت ان فيه شورت لكنه رفض يغير السلك و يشتري قاطع جديد و طلب مني افصل خط اﻹنارة هذا لانه اكتفي مما رأي منه.
لكن احد الموجودين عرض توصيل الخط من البوكس اللي عنده لكن اشترط فصل احد الكشافات لانها مش مفيدة ففعلت و كان هذا اول سبب في كشف المستور و حدث مني خطأ غير مقصود كان سباب آخر لكشف المستور حيث وصلت مفتاح اﻹنارة علي اﻷرضي و لو كنت وصلته علي الفاز ما كان اتكشف .
بعد يومين اتصلو و طلبو توصيل الكشاف الذي سبق استبعدوه فنفذت ما طلبوه و ما حدث انه كل ما اوصل من مفتاح اﻹنارة كل الكشافات تنور الا الكشاف اللي لسه موصله و عندما افصل من المفتاح كل الكشافات تطفي و الكشاف ده ينور.
فصلت الكشاف و اختبرت السلك الواصل عليه من المصدر طبعا بدون توصيل المصدر فوجدت ان فرده منهم مرجعة ارضي بالشكل ده
و الظاهر ان حد كان بيسرق كهربا من الكشاف المعلق علي بلكونته بالليل و ده سبب نزول القاطع و عندما فصلنا الكهربا عن الكشاف فصل هو فرده من الكشاف من ناحية المصدر عن طريق الخطأ و فصل الفردة التانية من الكشاف من الناحية الرايحة الي الحمل اللي هو سارقله كهربا ثم وصل تغذية الي الحمل من مصدر عنده فأصبح توصيل الكشاف كما في الرسم و هو رفض دخول اي شخص للمعاينة لكني مش لاقي اي تفسير آخر لما حصل و كتر خيره عموما انه موصلش الفاز مباشر و اكتفي بما فعله.
المهم اطلت عليك يا استاذنا بس حبيت اعرفك بما حدث لاني سبق و تحدثت معك في هذا الموضوع و علي الله مكونش صدعت دماغك بكلامي.
