ممكن العناوين الصحيحة للصور بعد اذنكم عشان أنا فعلاً مهتم بالموضوع ده

زمان باستخدام اريال سطحى كنا بنستقبل قنوات اجنبية كتير في القاهرة لكن الصورة في الغالب كانت سيئة باستثناء قناة المنار اللبنانية الأرضية كانت في بعض الاوقات صورتها قوية جداً زي القناة الأولى وكانت الحكومة المصرية تبث testcard الفيلبس 5544 على نفس الموجة وقت الفجر لان استقبالها كان قوى جداً وقد يكون ذلك كان مقصود مين عارف.

والقنوات الاخرى METV والال بي سي الارضية والأردن 1 وتركيا وكانال دي واسرائيل وفلسطين الارضية ومرة التقط بث لقناة ايران دو لكنه كان ضعيف جدا.

فى الغالب كان القنوات دي بثها ضعيف لكن فى ايام معينة في الصيف كان البث قوى جداً.

ومرة التقط بثين مختلفين لقناة النيل نفس الشعار لكن قناتين مختلفتين على الأرضى.

كل ده كان بالاريال العادى بدون اي اضافات. كان بالنسبة لنا عالم مختلف عن القنوات الارضية المملة.

ومع ذلك الهواية دي فضلت عندى حتى بعد ما جبنا الدش بكام سنة .

وعرفت من النت ان قنوات التلفزيون المصرى كان يتم استقبالها بنفس الشكل في السعودية

اما بالنسبة لاستقبال الدش فاظن ان ده مستحيل الا اذا كان فى جهاز ارسال لان الطبق مفهوش اشارة على تردد تلفزيونى والرسيفر نفسه بدون جهاز استقبال مش هيقوم بارسال اشارة بقوة تكفى لاستقبالها من مكان اخر.

اعتقد هي اصل الفكرة هي ان الجهاز يبث اشارة عن طريق RF وحصلت معي حيث ركبت علبة RF وركبت فيها اريل واستطعت اخذ الا شارة من الدش وابثها لمسافة تلتقط على التلفزيون المحلي بوضوح .