السلام عليكم ورحمة الله وبركاته

اخواني الاعزاء

بخصوص مصر - القاهرة

نبدأ في الفقاسة واحده واحده

1- اول حاجة الخشب

حتلاقيه في الجيزة بالقرب من محطة القطار كل بياعين الخشب اللي تحلم بيه

2- بخصوص الاطباق

ممكن لو حتعملها بطريقة اعواد البلاستيك فحتلاقي اعواد البلاستيك في العتبة بالقرب من شارع شريف وحتلاقيها برضه جملة

اما البنطة اللي حتخرم بيها البلاستك فتشتريها من عند اي موان وهي بنطة 35 ملم وحتى ال 28 تنفع وخروم التهوية بين فتحات البيض تكون ببنطة 10 ملم

3- بخصوص الثرموستات

حتلاقيه في شارع نجيب الريحاني في العتبة وتمنه في حدود 220 جنيه الدكسل بكسر عشري ويوجد ايضا بدون عسر عشرى ب 150 جنيه لكن طبعا الكسر العشري ادق وافضل

4- بخصوص الاطباق التي يوضع فيها المياه للرطوبة

طبعا اي طبق يعجبك لكن في اطباق اسمها اطباق تحضين او تجهيز للكتاكيت الاطباق دي ميزتها انها واسعة وحلوة وسعر الواحد 3 جنيه وحتلاقيها في اي صيدليه بيطرية

5- بخصوص موتور الدش

حتلاقيه في حتة بعد التحرير ناحية العتبة كده اسمها اه افتكرت اسمها باب اللوق وهناك في مول كبير لبيع حاجات الدش المهم حتلاقيه ب 90 او 85 جنيه

6- بخصوص الريليه

حتلاقيه في اي حتة متخصصة ادوات كهربائية زي راديو طلعت مثلا

7- بخصوص العامود اللي حتثبت عليه الطبق عشان يكون حر الحركة للتقليب

ففي فكرة حلوة في بيتباع عند الكثير من الموانين عامود قلاووظ 2 متر بتخانات مختلفة وانا اخترت منها ال 8 ملم شفت انه كويس وسعره في حدود 8 او 10 جنيه ممكن نستخدمه ليدخل بين طرفي الفقاسة ويتم ربطه من الخارج بصواميل ويمر من داخل الفقاسة بالطبق

8- بخصوص المروحة

انا استخدمت شفاط هواء عادي زي بتاع المطبخ لان الفقاسة كبيرة شوية وبصراحة عامل تجانس رائع وده تمنه حوالي 80 جنيه ولو حتستخدم المراوح الصغيره فحتلاقيها في شارع نجيب الريحاني وليها مقاسات كتير وهي في الاصل مروحة تلاجة وطبعا ممكن تجيب مروحة كمبيوتر ب 6 او 7 جنيه

9- بخصوص السلك اللي حتعمله تحت عشان يحمي الكتاكيت من الوقوع في المية

تشتريه من اي موان ويفضل ان يكون له اضلاع خشب او حديد او اي حاجة حتى يمسك زوايا واطراف السلك والسلك يفضل يكون عيونه صغيره (سلك ناموس) ويفضل ان يكون مجلفن حتى لا يتعرض للصدأ وطبعا تشتريهمن اي موان وسعره 10 جنيه المتر وهو افضل نوع (مجلفن)

10- بخصوص اللمبات والسلك

اشتريهم من الكهربائي اللي جنب بتكم واعمل الفقاسة وخلصنا بقة

وعايزين نشوف نتايج جميلة ان شاء الله

وبالتوفيق وانا استعداد لاي استفسار

واسف على الاطالة

اخوكم خالد

السلام عليكم ورحمة الله اريد شراء فقاصة من الحجم الصغير مابين 50و300 هل يوجد محل لبيع الات من هادا الحجم ب المغرب وشكرا

بسم الله الرحمن الرحيم

تحية احترام


نصيحتي ان تصنعها او تكلف احد التقنيين بتصنيعها لك
وماشاء الله في المغرب عامره في هذه الامور؟؟

ابو احمد

تمام يا برنس بس اضفلك حاجه فى ترموستات صينى شغال ب 20 جنيه فى نجيب الريحانى برده..

يوجد لدي فقاسات للبيع جميع المقاسات للاستفسار 966542940943 السعودية الرياض

اخواني الاعزاء في هذا المنتدي من اعظاء وزوار
السلام عليكم ورحمتة الله وبركاتة
ابحث عن بذر البرسيم المصري الموسمي 6 اشهر اين يباع في السعودية ومن هوا الوكيل .؟
ولكم مني الشكر

ابو احمد كيف حالك ان شاء الله بخير
والاخ ابو بكر

يسم الله الرحمن الرحيم


تحية احترام

ان شاء الله تحصل على الاجابه ؟؟
الف شكر على السؤال؟


ابو احمد

هيا ايه طريقة التقليب باعواد البلاستيك دي ؟