أستاذنا، صباح الخير و عيد سعيد مبارك عليكم.

المكثف لو مرشح يبقي إيه و ضع اﻷلواح و العزل جواه؟

طب لو مصدر 220 مستمر مثالا طرف220+ و طرف أرضي واصلين للمكثف علي طول يعني مفيش مقاومة علي التوالي بين المكثف و المصدر ،مش ببقي اللوح الموجب فولت الشحن + 220 و اللوح السالب هيمر منه تيار للأرضي يخليه -220 يبقي بالشكل ده فولت الشحن 440؟

و بالنسبة ل 220 متردد الفولت RMS فيمته 310 لكن يساوي 220 مستمر و ينطبق عليه ما سبق يعني فولت الشحن 440 برضه.

التيار الصغير جدا و مش ممكن قياسه باﻷجهزة العادية ،يقدر يسخن المكثف و يسبب إجهاد ميكانيكي لالواحه و للمادة العازلة او يسرع التفاعل الكيميائي بينهم؟

ما هو التيار الناتج من التردد

و سعيد عليكم ومبارك
المكثف لا يعلم أى دائرة هو فيها - فقط ما يؤثر فيه هو الفولت الموجود عليه وهل هو ثابت أو متغير أو متردد و ما مقدار هذا التغير كفولت و تردد
كيف لمصدر 200 فولت يوصل بمكون كائن ما كان يجعل الفولت عليه 400؟؟
ارسمها....
لا شيء اسمه صغير و كبير ولو لا يمكن قياسه كيف علمت بوجوده؟؟
قانون الطاقة يقول أن مربع التيار × المقاومة = الطاقة الحرارة المتولدة
الكهرباء حساب و ليست كلام
اللى شرحته فى الرابط فى السلسلة من تغير دوران الإلكترون حول النواه

بإذن الله أبتدي مذاكرة السلسلة بعد العيد عشان تبقي اﻷسئلة علي نور و شكرا ليك يا أستاذنا، بس أستأذنك في سؤال أخير،.

فيه مفتاح أتوماتك بيفصل أحيانا ، مش كتير ، بس مفيش أي سبب واضح، يعني الأمبير أقل من ربع أمبير المفتاح ، و راجعت توصيلات المفتاح مش مهوية و لا محروفة، و السلك الواصل عليه مقطع مناسب و يتحمل أعلي من أمبير الدايرة، و فيه نوصيلات ملاصقة له مربوطة كويس و مفيش فيها أي حرق، و مفتاح اﻷتوماتك نفسه بقالة اقل من تلات سنين بس جنبه محروق شوية و صيني فقلت أكيد العيب منه و غيرته، بس العيب رجع تاني.

فكرت في احتمالات :

1- من توصيلة مهوية مثلا بتسبب تقطيع التيار في وقت معين و يرفع الفولت علي اطراف ملف الحماية المغناطيسية الخاص بمفتاح اﻷتوماتك فيفصل، بس اﻷولي اﻷحمال و هي لمبات رخيصة كانت تتحرق أسرع من فصل المفتاح خصوصا إن أمبير الدايرة أقل بكتير من أمبير مفتاح الحماية.

2- التشريز في الوصلة بيسبب ترددات منها ترددات قليلة و مقاومة الملف لها قليلة فالحماية المغناطيسية تفصل ، بس برضه كان اﻷولي اللمبات الموفرة تتحرق ملفاتها اﻷول.

3- مفتاح اﻹنارة فيه زنة بسبب ضعف السوستة ﻷن الصوت بيروح عند الضغط علي المفتاح ، العيب دة بيسبب ترددات زي في اﻹحنمال السابق.

غير مقتنع بأي إحتمال مما سبق، و أرجو منك المساعدة.

من الصعب جدا الحكم على عطل قليل الحدوث
تقول التيار حوالى الربع ، هل بالقياس أم بالتقدير؟ وهل عند الفصل أم وقت ما تكون الأموت تمام ؟
تقول غيرته لأن القديم محروق - ما سبب الحرق ربما تحملي زائد وقت ما ثم غيرته هل بجودة أفضل؟
هل يفصل دوما مساء أم أحيانا أيضا صباحا؟؟ وزكم يكون الفولت وقتها؟؟

نورت كل اللمبات و قست ببنسة اﻷمبير وقت عادي مفيش مشاكل و وقتها المفتاح منزلش.

وقتها قلت اكيد عيب من المفتاح، مقاومة جواه بتسخنه و تخلي الحماية الحرارية تفصله، طبعا بعد ما راجعت التوصيلات الملاصقة للجنب المحروق لاقيتها 100-100 مفيهاش أي مشكلة، و بعدين مش عاوزين يشترو مفتاح جديد و ادوني مفتاح قدبم عندهم شنايدر نفس اﻷمبير و قالوا كان شغال، و ركبته و بعدين غيرت مفتاح ﻹنارة اللي كان فيه الزنة كمان و يوم العيد الصبح صحيو وجدو المفتاح فاصل و لما رفعوه إشتغل ، يعني تفس العيب.

بينورو اللمبات دي من مفتاح اﻹنارة بالليل و يطفوها الصبح، و اﻷمبير أقل من ربع أمبير المفتاح ، اللمبات هتتخرق قبل ما المفتاح ينزل و مخليه عشان يحمي السلك لو حصل ماس فيه او في لمبه.

اظن صعب لو فيه ذبذبة علي الخط تعمل كده، تردد قلبل يعدي امبير عالي من ملف مفتاح اﻷوتوماتك و من لمبة حلزوني و باقي اللمبات العادية و الليد مش هيعدي فيها، لو كدة اللمبة الموفرة هتتحرق قبل ما المفتاح ينزل و اﻷمبير هيرجع عادي و مفتاح اﻷتوماتك مش هيفصل؟

مش عارف، اﻹحتمال الوحيد الباقي في نظري، يكون حد بيفصل المفتاح عن عمد.

احتمال و ربما يرتفع الفولت بالليل
صعب تحديد أعطال كهذه و كنا نضع اجهزة مراقبة على الخط ونتركها 24/7 لتحديد العيب

فيه أجهزة قياس آفو به زر PH اختصار peak hold اي يحتفظ بأعلي قيمة قرأها
وصله و فعل هذا الزر واتركه و ثاني يوم لما يفصل ستعرف كان كم فولت قبل الفصل

يعني ممكن الفولت يزبد عن 1000ف و اللمبات متتحرقش؟ اللمبات كلها رخيصة مفيش إلا لمبة واحدة فينوس ليد غالية، و الحمل ضعيف اقل من ربع امبير مفتاح الحماية و مفش اي احمال تانية علي الخط غير اللمبات دي يعني لازم الفولت يزيد 4 أضعاف و يستني شوية عشان المفتاح يفصل.

لو كان المفتاح اﻷول خسران و بيفصل بدري ، معقول نفس العيب في المفتاح التاني و ماركة شنايدر؟

انت أدرى بما عندك
لو قاطع سيفصل بسبب الفولت اتوقع لا يزيد عن 250 لفاز واحد

اما 1000 فولت فغالبا تحمله وليس ما يوفره من حماية فليس منطقياً ان 220 فولت يصل 900 فولت و وسيلة حماية تنتظر ان يصل 1000

اقرأ مواصفاته جيداً