أحيب كابل HD و اركبه علي تغذية الرسيفر و لو منفعش ابقي أجيب مكثف 33 مايكرو 400 ف اركبه علي التوالي مع الكابل؟

طب و لو ملقيتش الكابل اجيب الملف اللي في الرابط عدد واحد بس مع المكثفين؟

أخى
الملف يباع جاهز ووضعت لك رابطه عند رام لكن يضعوا له اسم مختلف
اشتريه من رام مع المكثفين اللى قلت لك عليهم فقط وصله صح لأنه يسهل لخبطة الأطراف فتسبب قصر

استاذي، غيرت باقي المكثفات بس حصلت مشكلة، مكثف لقيت الرجلين موصلين، شلت اللحام الزيادة بس لقيت فيه خط نحاس مكشوف معدي بين رجلين المكثف فشيلت لحام زيادة بالكاوية لغاية ما بقي اللحام اقل ما يمكن غطسان ما هو موضح في الرسم و قلت مش ممكن يكون الخط النحاس ده موصل مع الرجلين المكثف علي البوردة بس برضه لسة كل رجل موصلة مع النحاس، في حل يااستاذي و لا الرسيفر كدة خلاص؟



الصورة مش واضحة بس كل الأصفر ده نحاس واصل بين رجلين المكثف

معذرة الصورة غير واضحة ولا تبين أين هذه الأشياء
القاعدة العاما "إن لم يحتاج إصلاح - فلا تصلحه" و كان يعمل جيدا فيما عدا عطل يشكو منه أهل المنطقة
ما أستطيع قوله أن تعيده كما كان إن شاء الله يعمل

طبعا فارق كبير بين الإصلاح و الصيانة

نزلت باب اللوق اجيب البالس ترانسفورمر من رام ، قالي خلصان، و نفس الشئ عند النخيلي و باقي المحلات.

الكابل الموجود من غير مرشح من 25 ل 45 ج و النخيلي عنده كابل اسمه فور كيه ب 96 ج.

قلت أغير باقي المكثفات علي الكارتة اللي عليها البروسيسور يمكن العيب يتحسن شوية لغاية ميتوفر البالس ترانسفورمر، قلة تركيز مني و حصل ما حصل و الحمدلله علي كل حال.

نزلت باب اللوق اجيب البالس ترانسفورمر من رام ، قالي خلصان، و نفس الشئ عند النخيلي و باقي المحلات.

الكابل الموجود من غير مرشح من 25 ل 45 ج و النخيلي عنده كابل اسمه فور كيه ب 96 ج.

قلت أغير باقي المكثفات علي الكارتة اللي عليها البروسيسور يمكن العيب يتحسن شوية لغاية ميتوفر البالس ترانسفورمر، قلة تركيز مني و حصل ما حصل و الحمدلله علي كل حال.

دي صور افضل لو ممكن فيه حل:

لو فيه قصر حاول التنظيف و جرب هذا
https://ram-e-shop.com/product/cp2515-goot/
يباع فى باب اللوق باسم شيلد اللحام أو فك اللحام أرخص كثيرا من رام
يمتص القصدير و يكشف النحاس أسفله
تحتاج كاوية سن رفيع و حرارتها تذيب القصدير ولا يكون كتل
بالتوفيق إن شاء الله
الفلتر كان ممكن عمله لو سألتنى عنه

باقي المكثفات مفيش فيها قصر استاذي، المكثف اللي عليه حرف A بس، و انا شلت كل القصدير مش باقي اي قصدير بين الرجلين خالص بس فيه نحاس موصل بين رجلين المكثف، فيه خط نحاس عريض شوية واصل علي رجل و خط تاني رفيع واصل علي الرجل التانية زي ما يكونو لحمو في بعض مخلين اﻷفو يقيس بين رجلين المكثف، يعني بقول لو فصلت الخطين عن بعض ممكن تتحل المشكلة.