يعني مقاومة محول الخفض بتزيد مع زيادة الجهد الداخل له؟

معذرة لا أفهم ما علاقة هذا بذلك
كلامى عن مقاومة الكابل ولم اعرض للمحولات
ايضا المحول لا مقاومة له هو فقط يحول الفولت والتيار اما مقاومة السلك فهى من ضمن الفقد وعدم المثالية

أقصد الممانعة الكلية بتاعت الملف اﻹبتدائي الخاص بمحول الخفض ، فأنا مبعرفش أحسبها بس لو مازادتش مع الفولت الداخل لها يبقي ممكن فيه وسيلة تانية نتحكم بيها في فاقد الجهد علي الخط او هيزيد كل ما جهد محول الرفع يزيد و يزيد معاه مقاومة الخط لأني بقلل مقطع الكابلات.

معذرة لا تفرض حالات و تتحدث عن أشياء
المسألة حسابات ولابد تثبيت عناصر لمفاضلة أخرى
المحول لا تحسب له ممانعة ولكن تحسب تيار و فولت دخول و تيار و فولت خروج و الكلام ده على الحمل ثم محول الحمل الرابط بين الحمل و الخط ثم محول الخط الرابط بالمولد ثم المولد
لكن مقاومة الكابل لا تحسب لأن لو لها قيمة معنى ذلك انك قد اخترت كابل سيفقد معظم الطاقة فى لا شيئ - مجرد توليد حرارة مفقودة

عندما تحدد تيار الكابل تجسب الفقد فيه من واقع قيمة المقاومة لكل كيلومتر من هذا الكابل
بعد ذلك تفاضل بين استخدام كابل أغلظ بفرق كلفته و بين الوفر فى الطاقة المنقولة و المسألة أولا و أخيرا اقتصاد

مفهوم يأستاذنا و أستسمحك في سؤال أخير ، حصل من فترة ان قطعت الكهربا عن جنب من أحد العمارات و لما رحتلهم لقيت فيه فازتين واقعين و سألنا فلقينا الشارع كله فيه نفس المشكلة فقلتلهم نتصل بالشركة لأن ده شغلهم و اتصلنا بيهم.

علي ما جه الموتوسيكل بتاع الشركة قلت أشوف كشك الكهربا في اول الشارع لقيت برضه نفس الفازتين واقعين منه و المسافة بينه و بين المحول حوالي 20 م و الكابل الجاي من المحول للكشك ده أجزاء منه مش مردوم عليها و لقيت حته من الكابل الكفر متشال و فازتين باين عليهم حرق في البلاستك و لازقين في بعض فأول ما جه الموتوسيكل وريته المنظر ده فراح و قالي هنبعت العربية.

جت العربية فتحوا المحول و شالو الفيوزات بتاعت الفرع الجاي للشارع ده علشان يفصلوا الكهربا عنه و فصلوا الفازتين عن بعض و عزلوهم و بعدين غيرو الفيوزات المحروقة و حطوا الفيوزات مكانها و رجعت الكهربا للشارع و بعدين ردموا علي الكابل و مشيو.

المهم أو السؤال هو أنه في فترة قطع الكهربا حصل ان بعض الشقق اللي مش واصلها كهربا كانوا بيقولولي الكهربا بترجع لحظة فمثلا تلاقي النور يضوي، فسألت نفسي إزاي في حين الفيوز طار و مفيش فاز جاي للشقق دي و بعد تفكير وصلت لحل و هو ده اللي عاوز آخد رأيك فيه و هو ان فيه مكثفات كبيرة شوية بتخش في وقت ما اللمبات بتضوي و بتدي لاين للفازة الواقعة فلو حمل واصله فازه المكثف هيفضي مع اﻷرضي الواصل للحمل ويعمل اللي حاصل ده و فكرت انه أكيد ده بسبب التكيفات لان هي اللي مكثفاتها كبيرة بس لازم تكون فيها ترموستات مش سنسور و مفيهاش كارته و إلا مش هتوصل و الكهربا مقطوعة.

فممكن يكون ده هو السبب؟

المشكلة أنك تفترض وضع و تفكر فى حل و تتخيل فرضيات و تصل لأشياء بينما الحل فى رسمة صغيرة لو قمت بها أدركت كل شيء

من هذه الرسمة أين هذه المكثفات و من وضعها و لماذا الخ و لماذا مكثف يعطى لحظة مع أن التيار متردد و المفروض يستمر مرور التيار و أى مكثف هذا الذى يتحمل هذا التيار؟؟
لكن ببساطة مع وجود القطع على الفازتين لن يصل لهما أى فولت إطلاقا
لكن لو وجد حمل واحد 3 فاز فما سيدخل على فاز وهذا قلناه أكثر من مرة سيعود من الفازتين الأخريتين وهذا الحمل ببساطة ثلاجة كبيرة فى محل ما أو موتور أو ماكينة لحام فى ورشة أو حتى تكييف كبير فى شقه و لهذا يحاول التشغيل لسبب ما أو لآخر فيفصل فورا للحمل الزائد أو غياب الفازات الخ وهذا ما يسبب ما تتحدث عنه من إضاءة لحظية

مفهوم و شكرا ليك يا أستاذنا.

بالتوفيق إن شاء الله