|
السلام عليكم ورحمة الله وبركاته الى الاخ طارق ازيك يا بش مهندس اشتقنالك انا
بانتظار موضعوك الكبير انشاء الله شارف على الانتهاء وشكرا
|
الحمد لله انتهيت من تجهيز 18 صورة وباقي حوالي 10 كمان
|
ياجماعه السخان بيجيب ميه من مجموعه الميه ازاى اعالج اعطل
|
برجاء رفع صورة كي نتمكن من مساعدتك
|
أخى المحترم/ طارق ألف شكر على الدعاء بالشفاء وربنا يشفى جميع مرضانا أعرفك بانىأستهوانى الموضوع بعد أن قرأت جميع المشاركات من أول صفحه حتى النهايه ورحت هاجم على السخان وجربت ال حضرتك قولت لى عليه فلم يعمل قلت السخان ده بقاله 10 سنوات ولم تجرى له صيانه أتحمست وهات يفك فى وصلات المياه وخرطوم الغاز وهبا السخان أتخلع وبقى على طرابيزه أمامى جثه هامده رحت جايب العده وهاتك يفك كما تعلمت من مشاركاتك طبعا وفجاه لقيت الرداخ فى أيدى مصدقتش قلت أحله بقى وأكشف على جلدة الرداخ وجلده الاورينج وعشان مسامير الرداخ تتحل لممكن أبدا طبعا أنا أتغظت أزاى أحل حاجه قدام المدام والاولاد وهما طبعا متعودين أن بابا بيصلح أى حاجه يشتغل فيها رحت مطلع المنجله وثبتها وثبت بها الرداخ علشات المسامير تتحل لايمكن أبدا حطيت wd40 مزيل الصدا برده لا رحت لابس الترنج ورحت لواحد خراط جنب البيت وأخد الرداخ وعشان يحل مقدرش يحل غير مسمار واحد قلى هو حل وحيد هطير رأس المسامير يالصاروخ وبعدين أبقى أشترى مسامير تانيه فلت له ماشى يامعلم وحل المسامير وأصبح الرداخ قطعتين مسحت الجلده بمنديل لقيت يها قطع صغير و المنديل وأيدى لونهم بقى أسود بقيت ماشى مكسوف من المنظر رحت رايح محل فى سيدى بشر بحرى وأشتريت جلده رداخ وسويتش قلت يمكن أحتاجه وجلد أورينج وروحت البيت لبست النظاره وقعدت أكشف على الاجزاء المفككه قبل التركيب ولم أركب جديد الا جلدة الرداخ ورحت مشطب تركيب ووقفت ركبت السخان فى مكانه لقيته يتكتك من قبل ما أفتح المياه وفيه ميه بتنقط من الفتحه ال فوق السويتش خفت على السويتش خلعته من مكانه حتى لايتلف و لقيت مفيش مياه بتنقط ولقيت السخان بيشتغل يدوى من السويتش يعنى أفتح المياه وأضغط على السويتش وأسيب السخان يشتغل ومفيش نقط مياه والعيال بقوا فرحنين وعجباهم حكايه التشغيل من السويتش بس أنا متغاظ ومضايق وقعدت أراجع فى مشاركاتك القيمه لاقيتك مره بترد علىأحد الزملاء وقلت له خلى بالك وأنت بتركب جلده الرداخ ركبها بالاتجاه الصح قلت أكيد هو ده الخطاء ال أنا وقعت فيه هب خلعت السخان وفكيتالرداخ وتذكرت تركيب الرداخ وأنا بمسحه فى الشارع بالمنديل وفعلا كنت مركبه خطا عدلت وضع الجلده وقفلته وانا بركب الرداخ بالسخان لقيت فيه جوان مدور بيركب فى الرداخ من ناحيه فتحه الغاز لمنع تسرب الغاز بشده بسيط أنقطع بيدى وبعدين بقا أنا معنديش زيه قعدت أبحت عن جوان فى بواقىأدوات السباكه لقيت جوان عريض بيستخدم لخلاطات المياه بس القطرو من الداخل عريض شويه رحت مولع البوتاجاز ومسخن شويه وشديته عشان أوسعه لقيته تمام وعندى نوع كوله محترم ورحت لاصقه فى مكانه وركبت الرداخ وركبت السخان وشغل يامعلم أشتغل ونزل مياه ساخنه كمان وأفصل وشغل وأفصل وشغل كله تمام والحمد لله والفضل يرجع لله سبحانه وتعالى ثم لك
|
الحمد لله علي عمل السخان
ولعلنا استفدنا جميعاً من تجربتك انه بالصبر والمحاولة والقليل من العلم والاصدقاء تحل كل امور الحياة
وثانياً الف مبروك
