لو كنت أعارف كدة يا بشمهندس ماجد، كنت اتجهت لصيانة الدش من اﻷول.

سؤال أخير ، يا أستاذي، كانت بداية اﻷسئلة عن كيف يمنع الفلتر مرور الشوشرة، و قلت لي الشوشرة ترددات عالية، و يختلف التيار علي الملفين، فينتج حث علي ملف يمنع هذه الترددات و تمر الشوشرة في المكثف، لكن لازلت مش فاهم كويس.

اولا لماذا الشوشرة دائما ترددات عالية؟ و لماذا لا تكون ترددات اقل من 50 هرتز؟

ثانيا كيف يختلف التيار علي الملفين، لو مثلا الشوشرة جاية علي اللاين بتاع دخول الفلتر و الحمل مبيسببش شوشرة و هتخرج الشوشرة من الحمل فإيه هيسبب إختلاف التيار في الملفين؟ مش كده مفيش مقاومة حثية و الشوشرة هتمر من الملفين، و في الحالة دي الشوشرة هتعدي كلها من المكثفات لان مقاومتها بالنسبة للشوشرة أقل كتير من مقاومتة الحمل؟

و لو الشوشرة ناتجة من الحمل و مش موجودة علي دخول اللاين للفلتر و هتخرج من الحمل، أظن مش هتمر من المكثفات لإن فولت دخول المكثف اقل من خروجه، و لا يوجد سبب لإختلاف التيار بين الملفين ، معني هذا الشوشرة هترجع في الخط.

بكده الفلتر هيحمي الحمل من الشوشرة الجاية علي الدخول و مش هيمنع خروج الشوشرة منه للخط، و أيضا الملفين ليس لهم وظيفة.

فما هو رأيكم يا أستاذنا ، دام فضلكم؟

معلهش ، خيرها فى غيرها
خلى بالك أن التردد الجيبى هو الشكل الوحيد فى الطبيعة النمطى المتكرر و الحر و تسمى بالحركة التوافقية البسيطة
يعنى هذا أن أى جسم سيهتز سيكون ذلك بهذا النمط - بدأ من حركة الكواكب فى غير المسار الدائرى مرورا بالأرجوحة و البدول شاملا الكهرباء و الموجات الصوتية الخ الخ الخ
من صفاتها أنها موجة جيبية خالصة لذلك هى الأساس و من عدد منها يمكنك تركيب أى شكل موجى آخر....أى شكل

العالم الرياضى فورير أدرك هذه الحقيقة و استنتج علاقة رياضية مفادها أن:
أى شكل موجى يمكن تشكيله من موجة جيبية خالصة بذات التردد الأصلى مضاف عليها عدد لا نهائى من التوافقيات بمقادير متباينة و حدد العلاقات الرياضية و تم حل هذه المعادلات لكل الأشكال الموجية ووجد أن
الموجة المربعة تحتوى التوافقيات الزوجيه أى 2*التردد الأصلى و 4* التردد و 6* و 8* الخ بقيم أقل
أى موجة مثلثة تحوى الترددات الفردية 3* و 5* الخ بقيم أقل
إذن لو الشوشرة دى تفريغة مكثف واحدة يعنى نبضة واحدة فتحليل فورير بيقول أنها من التردد الأصلى + ضعفه + 4 أمثاله الخ
وقبل ما تسأل ما هو التردد الأصلى هو التردد اللى نصف ذبذبته عرضها عرض هذه النبضة
فلو كان زمنها قصير مثل 1 ميكرو ثانية سيكون أول تردد 1 ميجا و مضاعفاته
من أين سيأتى 50 ذ/ث؟ أو أقل؟
انت ليه تبص تحت رجليك؟
بتقول الشوشرة جاية على الخط
انتهى الموضوع - الشوشرة دى سببها حمل تانى فى مكان تانى و ترددها عالى و ستمر فى كابلين من هذا المصدر عبر سلكين لهم حث و سعة و ملفوفين على بعض و على حاجات و بينهم وبين الأرضى سعات مختلفة
و ما تقوليش واحد منهم ارضى - الكلام ده على 50ذ/ث لكن على شوشرة أو شرار بترددات مئات كيلو هرتز أو اعلى بين الحمل و نقطة المولد سفر و ترحال
قلت فى 50 ذ/ث نعم لكن لشوشرة بأى تردد و أى توزيع على الخط و ليست متولدة على طرفى الفلتر فكل واحد داخل من مصدر و غالبا ما سيكون عودته عن طريق الأرضى أسهل و أقصر من عودته عن طريق سلك الرجوع
و اللى جه فى سلك الرجوع قد يكون أيضا الأرضى أقرب له من الطرف الحى
ارجو تبص على السلسلة الأخيرة اللى وضعتها لك لترى الكابل بالنسبة للتردد العالى يكافئ إيه - ملايين الملفات الصغيرة و المكثفات رغم أنه للمستمر سلكة و للتردد 50 أيضا
فين فولت دخول و خروج المكثف؟
هذا متردد
التيار يخرج من مصدرة و يحاول الرجوع من أقصر الطرق
و الشوشرة متولدة من الحمل

هقراء الجزء ده اﻷول عشان أعرف إزاي اﻷرض مقاوتها أقل من السلك بالنسبة للترددات العالية.

اللي سبب لي لبس في الموضوع إن تررد 50 المفروض يمر في المكثف عكس إتجاه السهم اﻷخضر، أقصد في نص الموجة دي ، ثم يعكس إتجاهه في النص التاني، يعني الترددين يمرو في المكثف في اتجاه عكس بعض بإستمرار ، ده بسبب إختلاف التردد؟

من قبل ما تقرأ شوف السلك قطرة كم مللى و طولة كم متر أو كيلو و الأرض عرضها كم و عمقها كم و الطول غالبا سيكون أقصر لأنه سيكون مباشر دون أى التواء
اردع للمشاركة 70 ستجد الرسمة دى و فيها وواضح أن فى جزء من ربع ذبذبة ال 50 هرتز الشوشرة تعكس اتجاهها مئات المرات

ده بسبب إن السلك مع الترددات العالية بيبقي ملفات و سعات و بالتالي رنين توازي يزود مقاومته، فما هو السبب إن اﻷرض كناقل مبيحصلش فيها نفس الشئ، باﻹضافة إلي مقاومتها اﻷومية اﻷعلي بكتير من السلك؟

الرد في الاقتباس السابق
الحجم المهول للأرض

في الموجات الطويلة السلك أقرب من اﻷرض و عند الترددات العالية الحث و السعة و رنين التوازي بيزود مقاومة السلك، و أكيد بيزود مقاومة اﻷرض كمان ، ليه بتبقي اﻷرض مسار أقرب من السلك لمرور التيار؟ مش المفروص تزيد مقاومة اﻹتنين بنفس النسبة نتيجة مرور التردد العالي فيظل السلك مسار أقرب للتيار؟

انت بتساوى ما بين مصدر 100ك وات على أقل تقدير و على بعد 10ك متر على أقل تقدير (أقرب محول توزيع) و تردد 50 ذ/ث بمصدر 5- 10 وات متقطع و فى دائرة مغلفة محلية قد تكون بضعة سنتيمترانت و قد لا يزيد طولها عن 10 متر وتردده عالى؟؟