مجهود رائع الف شكر

سلام الله ورحمته وبركاته واسمحوا لى اشارك بخبرتى المكتسبة نتيجة عطل فى جهازى الميكرويف

شوفو يا جماعة : جميع اجهزة الميكروييف تشترك فى عوامل اساسية ومكونات اساسية متماثلة سواء غلى ثمن الميكروييف او قل يعنى من الاخر قطع الغيار للمكونات الاساسية ديه واحدة وهى :

المجنيترون - المكثف - الديود - المحول

تقدرو تقولوا على دوول هما اساس الميكروييف وكل القطع اللى فوق ديه موجودة فى اى ميكروييف غالى او رخيص وكمان هتلاقوا نفس الماركات للمصنع واحدة
بذات للمجنترون

طيب الان اساليب الكشف على الاعطال

1) المجنترون

كثيريين من اخونا وفى مواقع النت قالوا انه لنعرف بعطل المجنترون نقيس طرفى الفيشة الخاصة به ويجب ان تكون المقاومة قليلة للغاية او معدومة (كلام جميل)
وايضا مع اخذ احد اطراف الفيشة والطرف الاخر جسم المجنترون يجب ان تكون مقاومة كبيرررررررررة جدا او لا نهائية لضمان عدم التداخل (كلام زى الفل)

كلامى انا نتيجة الخبرة ان قلما يتلف المجنترون وبسبب هذا الكلام فى الاعلى انا لقييت بعد ما الميكرويف بطل يسخن وشغال زى الفل كل حاجة تانية قلت اقيس المكثف ثم الدايود ووصلت الى المجنترون
لقيت المقاومة بين الجسم واحدج طرفى فيشة الادخال للمجنترون صفر والمفروض تكون كبيرة او لا نهائية وعليه تاكدت انه تالف
ولكن بعد ما حبيت اتفرج على اللى جابوه ومكوناته الداخليه وبعد ما فكيته حته حته
ادركت انه لم يكن تالف لانى زى ما قلت قلما انه يعطب والسر كان فى الفيشة الخاصة به حيث ان مروحة التهوية تعطلت والطبيعى للمجنترون انه بيكون سخن ولكن بعد تعطل المروحة زادت السخونية ساحت الفيشة بشخل بسيط مما سمح بتلامس احد اطراف الفيشة الخاصة بالمجنترون بجسم المجنترون وبهذا تم تضليل العميل وجعله بدل ما يتدارك العطل البسيط ويصلح الفيشة بوظ المجنترون

=============
طريقة اختبار المكثف من غير جهاز قياس افوميتر وده من الاخر والاصح

هات فيشة ووصلها بالكهربة والفيشة تكون وصلها سلكيين عاديين كهرباء واطرافهم متباعدة حتى لا يحدث ماس ثم توصل هذين الطرفين بالمكثف لمدة 4 ثوانى ثم تاتى باى شىء معدن ومعزول عشان متتلسعش وتوصل طرفى المكثف ببعض والله حصل شرارة يبقى بيشحن وزى الفل مفيش اى شىء عند عمل قفلة فى اطرافه ارميه وجيب غيره ب 25-30 جند منيين هقولك بعديين
================
طريقة اختبار الدايود مثل سابقية عادى بالاوميتير وجعل القياس كبير مثل 20 ميجا او كده
لو بيقيس من الطرفيين يبقى بايظ لو بيقرأ من طرف والاخر لا يبقى كويس

=====================

ملحوظة هامة ممكن تتطير المحول اذا اغفلتها

دائما وابدا الطرف الخارج من المكثف وفى نفس الوقت واصل معاه الدايود السلكة ديه بتوصل فى المجنترون
اما السلكة الاخرة الخارجة من طرف المكثف الاخر ومتصل بها فيوز داخل علية صغيرة تذهب هذه السلكة الى المحول
اذا تم عكس الاسلاك والتوصيل بشكل خاطىء المحول هيروح النار ...

===============================

المحول قليل ما يعطب ولكن فى حالات الماس والسخونية الشديدة او عكس الوصلات يفسد
=============================

المحول تقريبا بياخد 220 متردد ويرفعهم الى 400 او 500 فولت ثابت وليس متردد

=====================

اسعار الميكروييفات تختلف فى ماذا :
فى ان بها شاشة دلع ال سى ديه وارقام وتاتش
وبها زراير مبرمجة بواظائف ثابتة وبها تاخل الصنية البيركس ميزان بدل ما تضبط الوقت والسخونة هى تحس بالوزن والبرودة وتضبط كل ده توماتيكى
فى اجهزة بها 2 مجنترون موش واحد بس
مساحة الميكروييف
مثل تلك الاشياء تغلى من سعر الميكروييف
======================
اجيلكم بقى ايه حصل لما نزلت اشترى المجنترون

شارع نجيب الريحان بعض الناس عرضينه وكلهم متفقيين على السعر 160 جنيه

شارع الازهر لقيت واحد ابن حلال كده وانت داخل على شارع محمد على من شارع الازهر سالته قالى 160 طيب مفيش مستعمل قال اه 100 ليه يا عم ده انا شارى الميكروييف كله زيرو من كرفوا ب 299 اشترى المجنترون باكتر من ربع ثمنه يالله ما علينه
ورينا يا سيدى ايه ده ده كلهم شكلهم قديييم ومجرحيين قالى لا يا بيه اصل همه كده من النقل وبيجوا فى لوط واحد موشسش فى علب ولا حاجة

دققت النظر شوية لقيتهم من الظهر كان الصفائح مفككة وباين من العض استنتجت انهم متصلحيييييييييييييييين عشان المجنترووووووون قلما يفسد والعطل بيبقى زى ما حصلى فيشته اتلسعت لمست وياعينى على اللى بيقيسوا بالافوا امسك المجنترون باظ
المهم قلتلوا يا عم ان خلاص موش عايز المجنترون انا عايز واحد بايظ اخد منه فيشته لكن للاسف لم يدلنى مع انه مليانه عنده كراكيب بس انا كمان موش هشترى حاجة متصلحة راح فاتح الورشة او الخرابة وطلعلى جهاز ميكروييف شكله شاريه من بتاع الروبابكيا بس اخو بتاعى المعفن بالملى ماركة فرست وطلع منه المجنترون الاصلى بتاع بلاده ماقدرتش اقوام وطبعا خده واه اخف الضرر !!
اخذت بردك مكثفوا والديود بالمرة ودفعت فى البيعة ديه 140 جنيه
================================

احب ان اضع بعض اللينكات التى ساعدتنى فعلا فى فهم هذا الجهاز المفيد ذو التكويين التافه الشبيه بتكويين قطع الكمبيوتر بس التركه كانت فى اكتشاف العطل وطريقة التاكد والقياس وان وصلت الموضوع واتمنى ان اكون افدتكم اخوكم محمد مهدى


http://www.youtube.com/watch?v=YsWTCnACqdY&fmt=18

وهو ده المجنترون بتاعى
http://www.premier-parts.com/more_info.php?pid=83

شرح رائع وسهل جدا
جزاك الله كل خير اخي محمد مهدي
ارجو منك المزيد
الله يزيدك من علمه ووفقك الله والى الامام
اخوك عدنان محاميد

لدي مكروويف شارب فجأة أصبح لايسخن مع أن لوحة الأزرار وأي أوامر معطاة له تنفذ بشكل جيد و قد أرسلته مرتين إلى التصليح و قد تم تصليحه في المرتين السابقتين و الآن عاد و تعطل نفس العطل السابق و أود حالياً أن أقوم بتصليحه بنفسي و عليه و وفق التعليمات الموجودة في هذا الموقع الكريم و ردود الإخوة الكرام فقمت بفكه و فحص الفيوز و الدايود و المكثف و المايغترون و كانوا كلهم سليمين و أريد حالياً أن أفحص محول الجهد العالي مع أنه لايظهر عليه إحتراق و لم تظهر سابقاً رائحة تشير إلى أنه قد يكون عاطل و قد وجدت في بعض المواقع أنه يحول الجهد المنخفض إلى جهد من مرتبة 4000 – 5000 فولت و ليس إلى 400 – 500 فولت و هو خطير جدأ.
أرجو من الإخوة الكرام إرشادي للحل مع خالص شكري و تقديري لهم

يتم فحص محول الجهد العالي بواسطة مقياس الاوم .. ومن الخطورة قياس جهده عند التشغيل ..

ايضا احرص على فصل عنصر الميغاترون عن الكهرباء عندما تضطر لأجراء اختبار لكي لا تتأذي صحياً منه ..

واخيراً .. في الغالب دائرة الدايود .. والمكثف هي المسؤلة عن عطل الحرارة .. لكن بالطبع لا تغفل فحص باقي العناصر الاخرى والمحدودة داخل الميكروويف ..

شكراً أخي العزيز Fahad على الرد السابق و الله يعطيك العافية
قمت الآن بفحص المقاومة بين السلكين الذين سيوصلان إلى المايغترون بإستخدام الآفومتر و كانت المقاومة بينهم صفر و أيضاً قمت بقياس المقاومة بين طرفي ملف الدخل للمحول و كانت أيضاً صفر أما المقاومة بين أحد أطراف السلكين الذين سيوصلان بالمايغترون و أحد أطراف المكثف فكانت لا نهاية و هذا ما إستطعت عمله
فهل هذه القياسات تدل على عدم تعطل المحول أم ماذا .
و شكر لجهودكم

السلام عليكم
عندي مايكرويف قطعت الكهرباء عن البيت وبعدها لم يشتغل ا مالعله
افيدوووووووووووووووووووووووني

اشكر كل من ساهم فى هذا المنتدى

وشكر خاص الى الإدارة مع دوام التوفيق