اخى الكريم hariedy كم انا سعيد بالنقاش معك حتى نفيد ونستفيد.
بالنسبة لكلام حضرتك (وكمان لو قطعته خالص الصوت برده هيتعرف وكل شىء طبيعى وجرب على ضمنتى .) ده كلام سليم ومنطقى لان الشيب يتم تغذيتها من باور البوردة بفولتية تسمى vcc3وتكون 3 فولت
ولكن الregulator يقوم بإمداد الشريحة بفولتية تسمى avddوهذه الفولتية تكون بمثابة مرجع(referance voltage) وهو فولت مهم جدا للشيب لاخراج الصوت .ويتم اخراج الصوت عن طريق مكثفات الى سوكيت الخرج مباشرة
كما ذكرت لك...
وانا عندى مخططات لذلك ولكن لا استطيع نشر اى جزء ولو صغير لانها من اسرار الشركة التى اعمل بها
وبالله التوفيق

انا اشكرك على اسلوبك المحترم جدا فى الكلام .
بس بالنسبة لاشارتك لنقطة مرجع للفولت ( reference volt ) كيف يمكن الاستاعضة عنه فى بعض البورد وانت
طبعا ملاحظ ان فى بورد مفيهاش الريجليتور ده اساسا ، انا معك فى حالة عدم وجوده بيكون الاخراج للسوكيت مباشرة من يا مكثف سليكون انتر فيس وده غالبا او مكثفين كميائيين 10 ميكرو
المهم ما الداعى ان كنت تقصد ان وظيفة الريجليتور هى الفولت المراجع فما هى وظيفته وان كان مكثف يكفى لاداء هذه الوظيفة وكيف هو ضرورى لعمل تلك الشريحة وهو فى انواع كثيرة من البورد لا نجده ، وان كنت تقصد انه موضوع على الطرف الارضى ( current ) للفولت الراجع وليس قصدى للطرف الارضى المعتاد فما الحاجة من تنظيم الفولت لمجرد فولت راجع من شريحة الصوت .
ان كنت اخطاءت فى كلامى او تداخلت على الامور ارجوا التفسير او مذيد من التفاصيل

السلام عليكم ورحمة الله وبركاتة

اخوانى اعذرونى على تدخلى
لكنى اعتقد ان هذا الترانسيستور ليس فى دائرة الصوت كما هو مواضح من رقم الايسى المجاور وهو ايسى شبكة
يمكنك النظر فى كارت الشبكة الخارجى وسوف تجد فيه هذا الترانسيستور ( لا اعلم له وظيفة الى الان لانى لم اضطر الى صيانة كارت لان )
ملحوظة اخرى ايسهات الصوت من شركة realtek تكون اصغر فى الحجم وليس لها حماية من الخارج
يعنى الايسى يسهل تلفة اذا ما حدثت قفلة فى السماعات او تم تركيب سماعات تطلب وات عالى وكما انتم تعلمون
ان كل كروت الصوت الحديثة تعتمد على الصوت الديجتال الذى يحتاج الى مكبر حتى يعلوا الصوت

اما بخصوص الكويل ( دايرة الشحن بها كويل وبحثت جيدا حتى فهمت امكانيات الكويل ووظيفتة الرئيسية )
ببساطة الموسفيت يأخذ ال 12 فولت ليحولهم الى تعذية البروسيسور التى لا تزيد عن 1.6 فولت طبعا عن طريق موسفيات الحماية وترانسيستورات التغذية
المكثفات كما نعلم منعمات للتيار تسبب استقرار الفولت
الكويل ومهامة الكويل ما هو الا ملف يقوم بعمل مجال كهرومغناطيسى فى مجال محدد له حتى يتم توليد الفولت المناسب للبروسيسور وهو مخصص بالفولت المسمى VPP
كان هناك مؤتمر لشركة ECS وكانت الشركة تتفاخر ان البوردة الى ECS بها اكثر عدد من الكويلات 6
ويقلون فى الشرح عن اهميتة وهو عمليات ارتفاع الحرارة التى يصدرها المعالج وامكانيات الكويل فى طرح الفولتات التى يطلبها المعالج
وكانت وجهة نظرهم هى استقرار البوردة فى ظل ارتفاع درجات حرارة البروسيسور الحديثة الى انتل بتصنعها
( يعنى بمعنى بلدى شوية لو البروسيسور احتاج الى فولت اعلى او VPP Range اكتر انهم مستعدون لاى تطورات من انتل )
ومن الواضح فعلا ان عدد الكويلات كلما زاد كلما كانت البوردة اكثر استقرار
ومش كدة وبس لا ملف الكويل لو اختل منه لفة بيأثر جامد على استقرار البوردة
يعنى محدش يفتكر انه لما يغير الكويل القديم من بوردة جديدة هتشتل البوردة احسن لا بالعكس
لان الكويل بيتظبط تباعد لافاتة عن بعضها بسرسكوب فائق فى الموجه بتاعته
وهو زى ماقال الاخ مصطفى الموسفت هو الى بحدد دورة ونظام شغلة

السلام عليكم

جزاك الله خير يابشمهندس صلاح

الصراحه كفيت ووفيت
امممممممممممممممممممممممممممممم بس الصراحه الواحد اتلخبط خالص

فكلكم اكثر منا علما وفهما

بالنسبه لشرح المكثفات والترانزستورات اجد شرحكم كله متفق وعليه فاننا سندرسه ونعتبره مرجع علمى لنا

اما بخصوص ترانزستور الصوت الصراحه موش عارف احدد وظيفته هل هو للصوت ام لكارت ال lan

منتظرينكم تفهمونا اكتر لو مافيها تعب لكم

ونشكركم على حرصكم وعدم البخل بما علمكم الله

زادكم الله علما وفهما واخلاص فى العمل

الموضوع فعلا ممتاز وجميل لانى فرح لانى ان كنت تلقيت معلومة خاطئة او اخطاءت فهما ساجد منكم من يصلحها لى ، جزاكم اللله خير وعلم واسع والمنتدى فعلا ملىء بمن يجيدون اداب المناقشة .
بس بالنسبة لاترانزيستور الصوت ( وانا اسف على الاطالة ومحدش يريت يفهم انى بفرد رئى عليكم لكن لما حد بيصححلى معلومة انا بقول انا النهاردة كسبت كتير بشرط ان اقتنع )
يا جماعة كلنا عندنا اكيد بورد فيها صوت مدمج مع البوردة لو دققنا النظر على اطرف الترانزيستور سنجده موصل مع
احد اطرف شريحة الصوت او هناك بعض المكثفات اما العادية او السيليكون ثم الريجليتور ده
ولكم منى امثلة لبورد وصل فيها الريجليتور مباشرة مع الشريحة :
Shuttel P4vmm2
Gigabyte 81845pe-rz
Gigabyte 81e2004p
وطبعا يا اخ صلاح ان البورده الجيجا بيت Rz بالتحديد مفيهاش فتحة كارت شبكة ( لان ) اصلا .
وان البوردة الشاتل دى الريجليتور موصل مباشرة مع احد اطرف شيب الصوت ، وانها فيها اتنين ريجليتور ودى سبب اصرارى على وجهة نظرى .
وان البوردة الاخيرة الجيجا بيت الريجليتور موصل بفتحة S/pdif وكلنا عارفين انه احد فتحات الصوت لكن دوره فى البوردة دى يختلف لانه انتقل من منظم للتيار الخارج من الشيب للسوكيت الى منظم للفولت الداخل من عدة انواع من اجهزة الصوت التى تستخدم فتحة S/pdif الى رقاقة الصوت عبر مرحلة التنظيم بواسطة الريجليتور وفى بعض الاحيان يستغنى عنه فعلا .
واريد تفسير عن وجود نفس الريجليتور بكارتات الصوت وهى هنا مجرد كارت منفصل عن المازر بورد ولا علاقة لها بكارت الشبكة ، فمنه تتضح ان مكان الريجليتور هنا لتنظيم خارج الصوت وكل منا يستطيع التاكد بنفسه لانه تقريبا فى جميع انواع كارتات الصوت الا القليل جدا منها .
وما سبب وجوده بجوار رقاقة الصوت ان كان لتغذية رقاقة الشبكة مع العلم انها ليس من الضرورى وجود سوكيت كارت الشبكة بجوار الصوت ولكنه فى بعض الاحيان يكون بجوار فتحة PS2
اريد تصحيح لمعلومتى وانادى فيكم سعة الصدر والا يعتبرنى احد اصر على رئى لكنى ان اقتنعت بما سبق فكيف افسر ما كتبته لكم .
والله اعلم .

السلام عليكم ورحمة الله وبركاتة

كلامك منطقى جدا اخ مصطفى لكن فى حدود الصورة التى ارفقها الا بو عبدة
كانت توضح وجود كارت الشبكة فقط ومن هنا اخذت كلامى
وهناك شىء اخر بحثت عنه مخصوص بسبب هذا الموضوع

تغذية ايسهات الكروت المدمجة
يعنى انت عارف كويس ايسى تغذية كارت الشاشة الى بيكون موجود فى البوردة البلت ان او موش موجود والى ممكن ياخد التغذية بتاعتة من ايسى ال AGp

بحثت فى كروت الصوت وجدت ايسى تغذية رقم بيكون دائما 7805 يعنى ريجليتور تغذية
وايضا وجدتة فى كروت الشبكة وكروت الدش وتقريبا معظم كروت الكمبيوتر الخارجية

هنا يخلينا نفكر ان فى احيانا بيكون فى بوردة فيها اتنين واحيانا واحد واحيانا مفيش ( طبعا بيكون موجود بس بيكون زى الموسفيت فمنخدش بالنا منه الا لما بنقراء رقمة
وهو ايسى تغذية باور VCC
يعنى بيغذى الايسى سواء كان صوت او شبكة او حتى فاكس لو كان طبعا مدمح فى البردة
يعنى ليس بايسى تنظيم خارج
لان الصوت مبيطلعش منه فولت بالمعنى المفهوم والا كان هيحرق اى سماعة Headphone والى معروف انها مفيهاش حتى مقاومة
ورقم الايسى وااااااضح (7805)
اذن الى نقدر نوصله ان ايسى تغذية كهرباء لايسى الصوت وايسى الشبكة واى كارت بيكون بلت ان فى البوردة

هتقلى لية احيانا مبيكنش موجود فى البوردة
اقلك ان الباور سبلى ممكن يقوم بعملية التغذية لانه بيحتوى على فولت 5
والحماية بتاعته هنا بتكون فيوز زى فيوزات الكيبورد
ووجود الايسى التغذية دة بيفصل تغذية الايسى عن الباور عشان متحصلش قفلة فى الباور وكل الايسهات تبوظ مع القفلة
الى بتتعامل معها البوردة بسهولة وتقفل هى كمان لحد ما تشيل القفلة او تغير الباور لو كان باظ ..

فى حاجة تانية انت بتقول انه حماية من السماعات لو فيها قفلة
يعنى كدة ان ايسى الصوت لما بيسخن ويبوظ هنغير معاه الريجليتور (انا عمرى ما غيرت الريجليتور دة ولا مرة كل الى كنت بغيرة والصوت يشتغل عادى ايسى الصوت وبس )
يبقى الريجليتور قبل الايسى ولا بعدة
هنا نقدر نقيم وظيفتة اذا كان قبلة يبقى تغذية واذا كان بعدة يبقى منظم خارج صوت
والى دايما على حد علمى بيكون كرستالة حديد ؟؟؟

منتظر الرد بالاقتناع او برد يقنعنى

جميل اننا اتفقنا على دور الريجليتور هنا ووثيق صلته بشريحة الصوت وان كان لايلغى دوره بكارت الشبكة ولكننا الان بمرحلة تحرى الدقة على ما اذا كان لتنظيم الخارج للسماعات او لتنظيم الفولت الخاص بتغذية شريحة الصوت المدمجة ؟
معلش اصل انا صعيدى وهغلس عليك واقولك
طيب لو هو لتنظيم تغذية رقاقة الصوت طيب لو خلعناه خالص الصوت هيتعرف ؟ الاجابة نعم والاستاذ ( الوليد )الى كان بيشاركنا الحوار رده كان بالايجاب وهو جرب بنفسه طيب سؤالى باسلوب اوضح هل من الممكن تعريف شىء ايا كان بدون ان يكون موصل بمصدر التغذية ؟ سؤال مهم مش كده
طيب فى حالة كروت الصوت وتحديدا الكارته الكرييتف الايف 5.1 موديل ct4830 وانا كلامى هنا محدد لتسهيل المهمة ايه سبب
لان الكارتة دى فيها اتنين ريجليتور احدهما lf33 وهو ريجليتور 3.3 فولت فئة DPAKوهو اسفل شريحة الكارتة من جهة مكان التركيب بالمازر بورد ودوره تغذية الايسيهاية المسؤلة عن توزيع الصوت ، اما الاخر 7805 فئة DPAK وهو خلف سوكيت الصوت مباشرة قبل ثلاثة مكثفا سليكون صغيرة جدا ولا اعتقد وليس لمجرد قربها الشديد من سوكيت الصوت دورها فى تغذية الفتحة . ولك ان تتاكد بنفسك .
وان قمت بقياس فولتية خارج الصوت ستعلم ما اود قوله .
اخى صلاح انت لا تعلم مقدار احترامى لارائك واسلوبك فى تقديم المعلومة
ارجو منك الخروج بنتيجة نهائية وانا واثق تمام الثقة فى انك ليس من يحب ان يّضل او يُضل
وما اصرارى الا بحثا عن الاصح وخوفا من ذنب تضليل الناس وانا اسف ان كنت اطيل عليكم .