الكلاتش اللي ركبتة في الدرج الاول كان شغال حلو قووي في الدرج اللي شيلتة منه عجبي يا اخواتي المهندسين عجبي
خير يا باشمهندس هاني؟؟؟
هو حصل عندك مشكله في الدرج الاول مره تانيه ولا ايه؟؟؟
جرب كده غير وضع الورق بدل العرض خليه بالطول وشوف ايه اللي هيجرى معاك وكمان حدد مكان الحشر هل الورقه بتكون لسه في الدرج ولا بتكون خرجت وبتتحشر في مكان تاني...انا معاك ان شاء الله لحد لما نلاقي حل مع بعض
وانا في انتظار مشاركتك
انا عندي استفسارين
من فضلك أنا عندي ماكينة أفيشو 1035 فيها عطل مجنني sc990
وغيرت البوكس بتاع الهارد حوالي 5 مرات وبعدين نصحوني بتغيير الدرام والديفولبر وشفرة الدرام وحضرتك عارف ان الافتاءات كتير ومع ذلك غيرتهم ولا زال العطل موجود لو عند حضرتك حل يبقى جزاك الله خيرا
والاستفثار الثاني
انا قرت اشتري ماكينة ثانية وشفت الريكو 2850e وعجبتني جدا من حيث الشغل
لكن معلوماتي عن مشاكلها وصيانتها تقريبا صفر
فهل تنصح بشراء ريكو 1045 أم ريكو 2850e ؟ وما المميزات في كل منهما
وجزاك الله خيرا
السلام عليكم قبل تغيير أى جزء من الماكينه يجب عمل ريست للماكينه وذلك عن طريق السيرفيس مود ولا نتسى اخذ قيم رسم اليزر 400و 600 dp بعد ذلك تغلق الماكينه وتقوم بتشغلها وتعملid sensonrعن الطريق السيرفيس مود ثم تقوم بالتصوير ان لم تعمل الماكينه معاك قم بالتغيرات اللى نصحك بيها بيج ماستر
ايه...محدش عندو اي اعطال يقولها؟؟؟
طيب انا سمعت ان اصعب كود في الآله دي او اكتر كود بيتعب المهندسين فيها هو كود الليزر 322 و 326
السبب الاساسي لحدوث الكود ده بيكون تسرب بعض الحبر وسقوطه داخل وحده الليزر واللي بيتسبب في تعتيم شعاع الليزر الخارج من الوحده وبالتالي تعطي الاله الكود 322 لما شعاع الدايود الاول يحصل عليه تعتيم و326 لما يحصل تعتيم على شعاع الدايود التاني ...اما السبب التاني هو حدوث قطع او تشويش في الاشاره القادمه لوحده الليزر نفسها من الكارته الرئيسيه وسبب القطع ده هو كابل الداتا (الكابل الابيض الخاص بوحده الليزر)
العلاج بسيط وسهل ....عند حدوث الكود يقوم المهندس بفك وحده الليزر وينضفها جيدا من الحبر بالمنفاخ اليدوي لان البلاور احيانا بيسبب مشاكل ويحدد بالتنظيف الجزء اللي فيه الدايودين وينزع الاستيكر اللي فيه البار كود من الفتحتين اللي بيغطو المكان الخاص بنقل الشعاع من الدايودين وينظف كويس ويعمل تنظيف سريع لعلبه الليزر وكمان يتأكد من نظافه كابل الداتا وصلاحيته....وبعد كده يرجع كل حاجه زي ما كانت ويركب الوحده ويجرب تشغيل الاله وان شاء الله يتحل الكود
اي حد عندو استفسار يتفضل ...على فكره الكلام ده يعتبر سر من اسرارنا لاني والحمد لله من الناس القليلين اللي في الاسكندريه اللي بيتعاملو مع اعطال الليزر بسهوله ...
الناس بتسمع الكود ده تتلبش بس هو في الحقيقه علاجو بسيط وسهل بس اهم حاجه في علاجه اتقان العمل والدقه في التعامل
صح انا نسيت حاجه مهمه....لازم نقطع التيار عن الاله قبل التعامل مع وحده الليزر
يالا اي استفسار.......!!!!!!!!
الاخ العزيز ابو فارس...الاله 2035 ليها تونر معين وديفيلوبر معين لو اتونر والديفيلوبر حالتهم كويسه وتغذيه التونر مظبوطه يبقى العطل اللي حضرتك بتتكلم عليه ده السبب المحتمل ان الشحنه اللي بتتبعت لوحده الدرام والديفيلوبر من كارته الجهد العالي بتضعف مع الاستمرار في العمل ...بس ده عطل غريب شويه واعتقد انها مشكله ضعف في تغذيه الفولت من الباور سابلاي او الهاي فولتاج سابلاي بورد...على فكره ماركه الريكو ماركه محترمه جدا ...الاله ممكن تعمل كميات كتير وبنفس الكفاءه يعني انا مثلا مره عملت امر طباعه لعدد 3700 ورقه من آله 450 ريكو وكانت كفاءه النسخه الاولى زي الاخيره ...يعني شيل من دماغك ان العطل عام في الريكو
انا معاك لو احتاجت اي استشاره تاني ونورت يا استاذ ابو فارس
الساعة معتمدة بتوقيت جرينتش +3 الساعة الآن: 10:15 PM
موقع القرية الالكترونية غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي موقع القرية الالكترونية ولايتحمل الموقع أي مسؤولية قانونية حيال ذلك (ويتحمل كاتبها مسؤولية النشر)
