هو مش شرط يتحرق لكن غالبا لن يعمل
بدل ما تحير نفسك استخدم زماره Buzzer و استخدم معاه ادابتور بدون محول
تحتاج لكل فرع مكثف 400فولت و دايود و زينر

يا ريت تشرحلي اكتر ياستاذنا ﻷن مش وصلاني برضه، انا فاهم ان خرج الدايود هيكون 310 ف مستمر متقطع ، المكثف هينعمه و يخليه مستمر فبالشكل ده انا افهم انه هيسخن الحمل بس مش فاهم ازاي مشهيتحرق ولا هيشتغل؟

و ايضا استسمحك في مزيد من شرح دايرة اﻹختبار دي بالنسبة لتوصيلها و لفهمها هي بتعمل ايه إن أمكن.

أنا لم أقل لن يحترق لكن ليس شرطا أن يحترق و ذلك بحسب لفات الملف قد يسخن و يتحمل الضغطات السريعة

عموما المسألة تحتاج تجربة و اختبار و نصيحة لا تعمل شيء غير تقليدى لشخص آخر فلاحقا قد يتلف الجرس بسبب العمر و يأتى من يستبدله بأى جرس 220 فيتلف أو لا يعمل
ضع فى اعتبارك دوما أن غيرك قد يأتى للصيانة

كنا أقصد أن نستخدم وحدة تغذية بدون محول كهذه
http://www.qariya.info/vb/showthread...9502#post89502
أو تشتري ادابتور عادى

معاك حق يا أستاذنا مفيش داعي أعمل شغل يتسبب في مشكلة لزميل يأتي بعدي.

عند التأسيس هركب بوات ف كل أوضة و جنب السكرتارية و اوصلهم ببعض بخراطيم و كل بواط اوصلها مع أقرب بريزة تاخد منها لاين و بالنسبة للسكرتارية هتاخد نيوترال و أشد سلك تليفون 4 جوز يعني كل اوضة من ال4 فرعين واحد للمبة اللي تخصه و التاني يجمع عند الجرس.

طبعا فروع البرايز اللي هاخد منها 20 أمبير متأسسة في الشقة من قبل كده فحهط فيوز 2 أمبير عند اول الدايرة علي اول النيوترال في البوات اللي جنب السكرتارية.

الشقة فيها خطين برايز مش واحد هتاخد دايرة اﻷجراس منهم فده مش هيعمل مشكلة لو ركبوارفيما بعد مفتاح ارث ليكج عمومي و مش هيحتاجو مفاتيح ارث ليكج علي الفروع.

و عند التشطيب نركب بوش بوتن سكتين علي وش كل بوات و نوصل و نركب فيشة عند السكرتيرة و البانل يتحط علي مكتبها و يوصل الفيشة في الفيشة بعد الفرش.

علي الله مكنش دوشتك بالمشاركة دي بس قلت اقولك اللي هعمله و أخد رأيك برضه و ربنا يبارك لك ويأجرك علي ما تجود من علم.

بالتوفيق إن شاء الله
لكن فيه نقطة ياريت تتفاهم معاهم عليها قبل البدء
لو ضغط احدهم على الزر ستضئ اللمبة و يرن الجرس و لن ينتظر دخول المريض، هى رنه صغيرة و خلاص
إذن لو لم تراها الممرضة لأى سبب لن تعرف مين اللى طلب فإما تعرف من المريض اللى خرج أو باب مفتوح و إلا ستحتاج لما يثبت إضاءة اللمبة حتى تضغط هى على شيئ ما لتنطفئ
تمام كما فى المستشفى ما تسمى لوحة استدعاء الممرضة

معاك حق يا استاذي، ممكن احط ريلاي علي كل راجع في البانل و اوصل الراجع علي الكويل و أجيب لاين من البريزة جنب السكرتيرة علي مشترك الريلاي علي طول و أخد نقطة no أجمعها مع الراجع و اقطعها ببوش بوتن nc، يتهيألي كده اللمبة تفضل منورة لغاية ما السكرتيرة تضغط البوش بوتون، إيه زايك ؟ بس مش عارف إذا كان فيه الكترونيات حجمها أصغر تيقي افضل طبعا.

يمكنك استخدام تراياكات هكذا

ومنها مقاس الترانزيستور الأسود الصغير تتحمل 600 فولت 0.8 أمبير تكفى للمبة صغيرة

أو لو حبيت تستخدم محول واحد 220/12 فولت يمكنك اسنتخدام أى لمبة 12 فولت مع أى تراياك عادى